Hugues III, archevêque de Besançon, donne à Saint-Bénigne de Dijon les églises de Tavaux, Chaussin, Augerans et Goux, et la chapelle de La Nouvelle-Loye.

l.1 Notum sit omnibus ȩcclesiȩ filiis futuris et presentibus quod ego, Hugo tercius, Dei gratia presul Bysontinus,
l.2 Divionensis abbatis in domino reverendi Jerentonis petitionibus adquiescens, et in sancti Benigni martyris
l.3 patrocinio, et sanctis intercessionibus fratrum ibidem Deo servientium, in die Domini fiduciam habens, monasterio prefati martyris
l.4 libere trado altaria hȩc et ȩcclesias, scilicet: ȩcclesiam de Thavels, ȩcclesiam de Calcins, ȩcclesiam d'Algerens et ȩcclesiam de Guotz,
l.5 cum capella de Loia Novella, tantum retinens in his ȩcclesiis paratas et canonicas justitias, et in capella censum quattuor
l.6 denariorum, ut moris est. Ad quam largitionem, licet nos amicitia familiaris et religio prefati domni abbatis Jerentonis
l.7 compellat, tamen est quiddam singulare, propter quod petitioni sanctȩ Divionensis ȩcclesiȩ rationabiliter et libenter adquiesco.
l.8 Antecessores enim et parentes mei, locum illum quadam dilectionis prerogativa familiarem habuerunt, beneficiis et
l.9 muneribus honoraverunt. Et, quia sancti Benigni martyris memoriam, quoad viverent, quasi specialem habuerunt,
l.10 credo quod, benignitate intercessionis ejus, peccatorum suorum remissionem consequuti sunt. Ideo a tam rationabili et
l.11 provida liberalitate antecessorum et parentum meorum, nec volo degener inveniri, nec in ultimo die, tam Benigni martyris
l.12 patrocinii protectione privari. Quapropter ȩcclesias supranominatas prefato monasterio, mea voluntate et
l.13 ȩcclesiȩ mihi commissȩ, canonicorum laude et assensu, concedo. Et, ut traditio mea rata atque inconvulsa permaneat,
l.14 auctoritate episcopali et sigilli nostri inpressione confirmo, et testibus corroborandam trado.
l.15 Signum HUGONIS, archiepiscopi, qui hanc cartam precepit fieri. Signum Magnerii decani. Signum Hugonis archidiaconi.
l.16 Signum Wilenti archidiaconi. Signum Bernardi magistri. Signum Humberti.
l.17 [sceau].

Charte postérieure à la donation de Raimond de Bourgogne (Chevrier/Chaume n° 365) et antérieure à la mort de l'archevêque, le 13 septembre 1100.

Gallia Christiana in provincias ecclesiasticas distributa, Paris, 1715-1785 et 1856-1865, 16 vol., t. 15, col. 38.

CHEVRIER (Georges), CHAUME (Maurice), Chartes et documents de Saint-Bénigne de Dijon, prieurés et dépendances des origines à 1300, t. 1 : VIe-Xe siècle, Dijon, 1986, t. 2, p. 144-145, n° 366.