Charles III le Simple, roi des Francs, à la requête du comte [Rénier] abbé de Saint-Maximin de Trèves, confirme aux religieux de ce monastère divers biens, décharge les religieux de tout service, sauf de la bénédiction à l'abbé, et les autorise à confier à un prévôt l'administration de leurs biens.

l.1 [chrisme] [notes_tironiennes] IN NOMINE SANCTAE ET INDIVIDUAE TRINITATIS, KAROLUS, DIVINA PROPITIANTE CLEMENTIA REX FRANCORUM ET VIR ILLUSTRIS. CUM IGITUR A NOSTRAE SUBLIMITATIS GRATIA POSTULENTUR EA VIDELICET QUAE RATIONI OPORTUNA
l.2 adfore videntur, animo nos decet libenti concedere et petitiones flagitantium congrua proportione adimplere. Quamobrem omnibus sanctȩ Dei ȩcclesiȩ fidelibus nostrisque, tam presentibus quamque futuris, venerabilem comitem atque Beati Maximini coenobii, cujus gleba Treveris in suburbio
l.3 quiescit, [de jussu nostroque concessu] abbatem celsitudinis nostrȩ adiisse clementiam et intulisse auribus nostris suprafati sancti Maximini monachis quasdam rex juste olim possidere quae ob necglegentiam prȩdecessorum abbatum cupiditatȩmque malorum ominum habebantur subtracte quasque
l.4 ipse cum prefatum locum ad regendum largiremur loco illi reddiderat, flagitans ut de istis prefatis rebus et ex illis quȩ victui eorum deputate erant, de quibus quoque illis Arnolfus rex prȩceptum largitus est, nostro instaurantes precepto ac nostrȩ corroborationis insigniremur edicto.
l.5 Cujus justam petitionem libenter implentes, hec loca illis ad suam peculiaritatem perpetualiter habenda, ut ex his victum atque habitum consequantur, pro nostrȩ animȩ absolutione concessimus, hoc est Appula, Averneshem, Alsoncia, Furnivelt, Brecenhem, Brechina,
l.6 Ascobach, Holzhusa, in Mogontia capella una, Rivanacha, Loavia, Gontireshusa, Decima, Butiliaco, Cannis, Embilado, Tavena, Simera, Bessiaco, Vilare, Luciaco, Bisanga, Vuimari aecclesia, Crufta, Scranna cum omnibus abbatiae Sancti Maximini
l.7 salicis decimationibus quas concedimus in usus hospitum peregrinorum et pauperum. Jussimus quoque hoc presens prȩceptum inde conscribi, per quod decernimus atque firmissime jubemus ut ipsi fratres prȩlibata loca cum omnibus pertinentiis sub eorum cura
l.8 teneant atque secure et quiȩte juxta suum arbitrium illis potiantur, et nec nobis neque illi qui hanc abbatiam tenuerit aliquod servitium impendant, excepto hoc quod more solito benedictionem suam illi offerent qui ipsi monasterio prȩsit, potestatemque teneant super ipsas res suum
l.9 prȩpositum specialiter constituere eumque pari modo, si bene officium prȩpositure sue non expleat, degradare. Et ut hoc prȩceptum nostro munimine roboratum perpetualiter firmum et stabile perseveret, manu nostra illud firmavimus anuloque nostro consignare
l.10 prȩcepimus.
l.11 SIGNUM KAROLI [monogramme] REGIS GLORIOSISSIMI.
l.12 HUGO REGIAE DIGNITATIS NOTARIUS AD VICEM HERIVEI ARCHIEPISCOPI SUBNOTAVIT ET SUBSCRIPSIT [ruche] [sceau].
l.13 Datum kalendis januarii, indictione XIIII, anno XVIIII regnante Karolo rege gloriosissimo, redintegrante XIIII, largiore vero hereditate indepta I. Actum Mettis civitate. In Dei nomine,
l.14 feliciter. AMHN, [amen], am[en].

2

LAUER PH, Recueil des actes de Charles III le Simple, roi de France (893-923) (Chartes et Diplômes relatifs à l'Histoire de France), I, Paris, 1940, p. 154-157, n° 69.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 6, pl. 18 (fac-similé).