Urbain II, pape, place l'abbaye de Molesmes sous la protection du Saint-Siège et confirme ses possessions.

l.1 URBANUS, EPISCOPUS, SERVUS SERVORUM DEI, DILECTO FILIO ROBERTO, MOLISMENSI ABBATI, EJUSQUE SUCCESSORIBUS
l.2 REGULARITER SUBSTITUENDIS IN PERPETUUM. Piȩ postulatio voluntatis effectu debet prosequente com-
l.3-pleri, quatinus et devotionis sinceritas laudabiliter enitescat et utilitas postulata vires indubitanter assumat. Proinde, tam tuis et
l.4 tuorum fratrum, quam et reverendi fratris nostri ROBERTI, Lingonensis episcopi, postulationibus inclinati, cenobium Molismense, cui Deo auctore preesse dinosceris,
l.5 per presentis decreti paginam sub tutelam apostolicȩ sedis excipimus, salvo Lingonensis ȩcclesiȩ jure et legitima defensione. Per presentis igitur privilegii pa-
l.6-ginam apostolica auctoritate statuimus, ut, quicquid eidem cenobio supradictus episcopus vel ejus predecessor RAINARDUS contulerunt et, quecumque
l.7 hodie juste possidet sive in futurum concessione pontificum, vel oblatione fidelium juste atque canonice poterit adipisci, firma tibi
l.8 tuisque successoribus et illibata permaneant. Decernimus ergo, ut nulli hominum liceat, eandem ȩcclesiam temere perturbare, aut ejus possessiones
l.9 auferre vel ablatas retinere, minuere vel temerariis vexationibus fatigare, sed omnia integra conserventur eorum, pro quorum susten-
l.10-tatione et gubernatione concessa sunt, usibus omnimodis profutura, salvo scilicet in omnibus jure et subjectione Lingonensis ȩcclesiȩ, ita
l.11 tamen, ut episcopo non liceat, exactionis vel consuetudinis gravamen aliquod fratribus irrogare. Obeunte te, nunc ejus loci abbate,
l.12 vel tuorum quolibet successorum, nullus ibi qualibet surreptionis astutia seu violentia preponatur, nisi quem fratres communi con-
l.13-sensu vel fratrum pars consilii sanioris secundum timorem Dei et beati BENEDICTI regulam elegerint; electus autem a Lingonensi episcopo consecretur.
l.14 Porro donationem illam, quam eidem monasterio bonȩ memoriȩ Rainardus, et ejus successor Robertus, Lingonenses episcopi, consilio
l.15 et assensu canonicorum suorum concesserunt, nos quoque presenti decreto firmamus, videlicet, ut quicumque clericus, quicumque Lingonensis
l.16 ȩcclesiȩ casatus cenobio vestro sive ȩcclesiam seu aliquid de casamento suo contulerit, salvis nimirum consuetudinariis episcopi redditio-
l.17-nibus, monachis liceat optinere. Vos igitur, filii in Christo dilecti, Dei semper timorem et amorem in vestris cordibus habere sata-
l.18-gite, ut, quanto a secularibus tumultibus liberiores estis, tanto amplius placere Deo totis mentis et animȩ virtutibus haneletis.
l.19 Sane, si quis in crastinum archiepiscopus aut episcopus, imperator aut rex, dux, comes, vicecomes, judex aut ȩcclesiastica quelibet
l.20 secularisve persona hanc nostrȩ constitutionis paginam sciens contra eam temere venire temptaverit, secundo tertiove com-
l.21-monita, si non satisfactione congrua emendaverit, potestatis honorisque sui dignitate careat, reamque se divino judicio
l.22 existere de perpetrata iniquitate cognoscat et a sacratissimo corpore ac sanguine Dei et domini, redemptoris nostri Jhesu Christi, aliena
l.23 fiat, atque in extremo examine divinȩ ultioni subjaceat. Cunctis autem, eidem loco justa servantibus, sit pax domini nostri Jhesu Christi,
l.24 quatinus et hic fructum bonȩ actionis percipiant et apud districtum judicem premia ȩternȩ pacis inveniant.
l.25 AMEN. AMEN. AMEN.
l.26 [rota] [benevalete].
l.27 Datum apud Clarum Montem Arvenniȩ, per manum Johannis, sanctȩ Romanȩ ȩcclesiȩ diaconi cardinalis, III kalendas decembris, indictione IIIa, anno dominicȩ incarnationis MoXCoVI, pontificatus autem domni Urbani secundi pape VIIIo.

JAFFE-LOEWENFELD, n° 5996.

LAURENT (J.), Cartulaires de Molesmes, ancien diocèse de Langres (916-1250). Recueil de documents sur le Nord de la Bourgogne et le Midi de la Champagne, 2 vol., Paris, 1907-1911 (Collection de documents publiés avec le concours des Antiquités de la Côte-d'Or, 1), t. 2, n° 1.

PFLUGK-HARTTUNG (J. von), Acta pontificum romanorum inedita. Urkunden der Päpste 97-1197. rééd, 3 vol., Graz, 1958, t. 1, p. 62-63, n° 64.