Eudes, roi des Francs, confirme les biens et les privilèges de l'abbaye Saint-Martin de Montredon.

l.1 [chrisme] IN NOMINE DOMINI DEI AETERNI ET SALVATORIS NOSTRI JHESU CHRISTI, ODO, CLEMENTIA DEI REX. SI SERVORUM DEI PETITIONIBUS AC NECESSITATIBUS OPEM FERENDO CONSULIMUS, PROCUL DUBIO DEUM NOBIS EXINDE PROPITIATOREM ET REMUNERATOREM TAM HIC
l.2 quam in aeterna beatitate nullatenus ambigimus adesse. Quocirca noverit omnium optimatum ac caeterorum fidelium regni nostri sollertia quoniam Tenericus, venerabilis abbas ex monasterio constructo in honore sancti Martini Monterotundo in Septimania, consentientibus suis monachis inibi Deo militantibus, veniens ad aures regiȩ
l.3 dignitatis nostrae, innotuit nobis qualiter, propter illorum nimiam paupertatem et oppressionem malorum hominum, inibi stare non possint nisi nos, ob Dei amorem, aeterne remunerationis premium necnon, et in elemosina domni et senioris nostri Karoli ac pro salute et commemoratione nostra, quatinus omni tempore cum summa
l.4 devotione liberius et placabilius pro nobis misericordiam Domini exorent. Renovamusque ad necessitates eorum supplendas per hoc preceptum regiae auctoritatis nostrae cellam in honore sancti Clementi in pago Gerundense cum omnibus appendiciis suis, et in pago Radensi fiscum nostrum Juncherias
l.5 cum eclesia in honore sancti Saturnini cum omnibus appendiciis suis. Confirmamus etiam nostra regia auctoritate villares duos, Uzanno et Pererolo, et in pago Carcasensi cella quae dicitur Matrona in valle Aquinania cum omnibus adjacentiis suis, et hoc quod Bladinus dedit in Nogarias
l.6 cum casa, terras, molendinum, et in comitatu Narbonensi quicquid Amaroannus dedit cum suis propinquis in villari que dicitur Aquaviva, et hoc quod Galinnus dedit in Menerbl[...], et salinas quas Dagoberta dedit in civitate Narbona in loco qui dicitur Achagakan,
l.7 et hoc quod prefatus abbas im pago Carcasensi in valle Aquinania in villari ex suo pretio comparavit juste et legaliter, id est in Linars, et omnia etiam quod Paternus et Dexter dederunt in valle Aquinania de villari quȩ dicitur Penitentia quartam partem, et omnium integritate rerum
l.8 supradictarum atque plenitudinem, cum exitibus et regressibus et universis legitimis terminationibus, totum et ad integrum, sicut dictum est, memorato venerabili abbati Tenerico, ad monasterium in jamdicta Septimania sub honore et nomine sancti Martini, sicut supra diximus,
l.9 confirmando atque tradendo per hoc preceptum regiae auctoritatis nostrae concedimus et de nostre jure in jus ac dominationem illius sollemni more transferimus aeternaliter, eo videlicet modo et tenore ut predictus Tenericus abbas, idem monasterium necnon, et sui monachi, familia
l.10 ipsorum cum omnibus ad se pertinentibus sive legaliter respicientibus, sub mundeburdo et tuitione nostrae defensionis ita hac auctoritate testamenti regiae dignitatis nostrae corroborati perpetualiter maneant, ut neque comes neque aliqua judiciaria potestas ad quelibet loca, id est
l.11 comitatus, civitates sive mercata in regno nostro pro suis necessitatibus, ipsi aut famuli ipsorum exigerint ab eis trabaticum aut portaticum aut pontaticum aut cespitaticum aut rotaticum aut mansionaticum aut salutaticum aut aliquod obsequium sive redibitionem aut teloneum,
l.12 exceptis in his locis quibus per preceptum nostrum concessimus ut accipiantur, requirere vel exactare ullatenus presumat, sed quiete et secure per omnia possint agere. Volumus quoque ut quamdiu ipse Tenericus vixerit, jamdictas res omnesque more ecclesiastico regat
l.13 et disponat, et post ejus discessum ipsi sui monachi nostram veniant presentiam eligantque sibi abbatem de ipsa congregatione, qualemcumque meliorem invenerint. Ut autem hujus nostrae auctoritatis confirmatio pleniorem in Dei nomine obtineat firmitatis vigorem,
l.14 manu propria subter eam firmavimus atque anuli nostri impressione insigniri jussimus.
l.15 SIGNUM ODONIS [monogramme] GLORIOSISSIMI REGIS.
l.16 [T]H[ROANNUS NOTARIUS AD VICEM ...?... RECOGNOVIT ET SUBSCRIPSIT].

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 9, p. 465, n° 30.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 6, pl. 9 (fac-similé).

BAUTIER (Robert-Henri), Recueil des actes d'Eudes, roi de France : 888-898, Paris, Imprimerie nationale, Klincksieck, 1967, p. 139-145, n° 32.

MAGNOU-NORTIER (Elisabeth), MAGNOU (Anne-Marie), Recueil des chartes de l'abbaye de la Grasse, 2 vol., Paris, 1996-2000 (Collection de documents inédits sur l'histoire de France, 24 et 26), t. 1, p. 57-59, n° 34.