Arnoul, roi, donne à l'abbaye Saint-Maximin de Trèves, la villa de Rübenach avec l'église, la dîme et le domaine qui en dépendent.

l.1 [chrisme] IN NOMINE SANCTAE ET INDIVIDUAE TRINITATIS, ARNOLFUS, DIVINA GRATIA FAVENTE REX. SI ERGA CASAS DEI DIGNANTER DI[VINIS CULTIB]US CORUSCANTES NECNON PRECLARIS SANCTORUM PATROCINIIS CELITUS PREFULGENTES CURAM GERERE ET ALIQUA IMPENDERE EIS OPORTUNA STUDUERIMUS
l.2 suffragia, sempiternae beatitudinis mercedem inde nos consequi posse pro certo confidimus et ibi Domino famulantes ad bonae conversationis propositum devotiores efficiemus ad orationemque nostram eos promptiores existere credimus. Quapropter omnium sanctae Dei ecclesiae
l.3 fidelium tam presentium quamque futurorum cognoscat industria, qualiter quidam fidelis comes noster nomine Megingoz mansuetudinem nostram precatus est, ut cȩnobium in civitate Treveris in honorem Christi et sancti Maximini constuctum aliqua concessionis nostrae guburna-
l.4-tione ditando augeremus. Nos autem aeternum animae nostrae remedium sollicita mente pertractantes et justae ejus admonitionis precatui libenter assensum prebentes decrevimus ita fieri et in pago Meinifeld dicto in comitatu ipsius ad eundem sanctum Dei martirem
l.5 villam unam Ribanacha vocatam perpetuo jure in proprium concessimus et quicquid illuc juste pertinere videtur, id est ecclesiam in eadem villa constructam cum decima et curtem, cum [ca]sa ceterisque ȩdificiis, cum mansis habitantibus et mancipiis utriusque
l.6 sexusi, campis, agris, pratis, pascuis, silvis, aquis aquarumque decursibus, molendinis, vineis, terris cultis et incultis, finibus et adjacenciis, viis et inviis, exitibus et reditibus, mobilibus et immobilibus, quesitis et inquirendis, et cum universa integritate
l.7 jure et rationabiliter ad prȩfatam villam pertinente. Haec itaque omnia ad jamdictum sanctissimum locum potestativa manu in memoriam nostra et cunctorum quorum recordationem facere debitores sumus, in usum ibidem Domino et sancto Maximino famulantium per hoc
l.8 nostrae confirmationis conscriptum tradimus atque transfundimus, eo videlicet rationis tenore ut rectores ejusdem monasterii de his omnibus securam perpetualiter habeant potestatem, prout eis placuerit, universa disponere juxta
l.9 utilitatem famulorum Christi inibi divinum momentaneis horis obsequium officii persolventium et in hospitum pauperumque in elemosina nostra receptionem absque ullius personae vim inferentis obstaculo. Et ut haec donationis nostrae auctoritas
l.10 firmior habeatur et per futura tempora a fidelibus nostris verius credatur ac digentius conservetur, manu propria subtus eam firmavimus et anulo nostro insigniri jussimus.
l.11 SIGNUM DOMNI ARNOLFI [monogramme] SERENISSIMI REGIS.
l.12 ASPERTUS CANCELLARIUS AD VICEM THEOTMARI ARCHICAPPELLANI RECOGNOVI ET [ruche_notes_tironiennes] [sceau].
l.13 Data X kalendas februarii, indictione VI, anno incarnationis Domini DCCCLXXXVIII, anno vero I regni Arnolfi piissimi regis. Actum cuvitate Regina. In Dei nomine, feliciter. Amen.

2