Chaumont, AD Haute-Marne, 28 H 4

<< < / > >>

Numéro179

Fiabilité de l'actedouteux

Genrecharte

Date20/08/1084(fiabilité :édition)

LieuLangres(lat :in claustro Lingonensi)

DiocèseLangres

RégionChampagne/Ardenne

Supportparchemin

Chirographienon

Sceau sceau pendant

Etat de la traditionoriginal

Hauteur à gauche320   mm

Hauteur à droite324   mm

Largeur en bas267   mm

AuteurRobert, évêque  de  LANGRES

BénéficiaireAbbaye  de  NOTRE-DAME  de  SEXFONTAINES

Regeste

Robert, évêque de Langres, sur la plainte de Jarenton, abbé de Saint-Bénigne de Dijon et d'Hugues, prieur de Sexfontaine, condamne Garnier, chapelain de Meure, à s'acquitter de ce qu'il devait sur les revenus des églises de Meure, Sarcicourt et Sexfontaine, et à se démettre de ses fonctions, confiées désormais au prêtre Hugues.

Fac-similé

Texte

l.1 Ex traditione antiquorum habetur ut predecessorum dicta vel facta scripto commitantur ne oblivione perducantur in incertum vel malorum depravatione
l.2 deveniant ad defectum. Ea propter, ego Rotbertus, Dei gratia Lingonensis episcopus, tam presentibus quam futuris notum volo fieri quod domnus
l.3 Jeronto, abbas Divionensis, et Hugo, prior de Saxifonte, in presentia nostra, de quodam Warnerio, capellano de Mora, graviter
l.4 conquesti sunt, eo quod redditus ecclesiarum de Mora et de Sarcecurte et de Saxifonte, sicut debuerat, non reddidisset. Qui Warnerius,
l.5 in presentia nostra male super hoc convictus, et dampna illata restituit et ministerium matricularii, quod huc usque possederat
l.6 guerpivit, et per manum nostram predictum abbatem prioremque Saxifontis investivit; et cuidam sacerdoti, Hugoni nomine,
l.7 communi consilio, predictarum ecclesiarum curam commisimus, prius tamen ab eo fidelitate accepta quod priori Saxifontis debitos redditus
l.8 secundum compositionem olim factam redderet et in nullo ab ea deviaret. Verum, ne aliqua discordia inter priorem Saxifontis pre-
l.9-dictumque capellanum et successores eorum hac de causa denuo oriretur, compositionem pari consilio inter eos factam approbavimus:
l.10 scilicet talem quod sacerdos, qui tractus a priore Saxifontis ad prefatas ecclesias fuerit, in ecclesia de Mora medietatem tam elemosinarum
l.11 quam oblationum accipiet, exceptis his que ab extraneis oblata fuerint, de quibus terciam partem habebit. In ecclesia de Sarcecurte
l.12 accipient monachi duas partes tam oblationum quam elemosinarum, et cappellanus terciam. Si vero aliqua venerabilis persona in predictis
l.13 parrochiis obierit, cappellanus priorem adscisscet; qui prior, si ire voluerit, priorem missam cantabit et capellanus secundam. Si prior
l.14 defuerit et de monachis ejus aliquis perrexerit, cappellanus primam et monachus secundam missam cantabit. In Saxifontis ecclesia, dominico
l.15 die, capellanus, si cantaverit, unum denarium accipiet, excepto illo de caritate; secunda feria, si cantaverit, medietatem oblationis ha-
l.16-bebit, nisi sit dies festus, et tunc solum nummum accipiet; privatis diebus, quod ei oblatum fuerit, suum erit; in Nativitate Domini, in
l.17 Pascha, ceterisque precipuis sollempnitatibus non, nisi solum denarium; confessiones, baptisteria, albatorum sepulturas, reconciliationes mulierum,
l.18 peras et nuptias solus habebit; de elemosinis defunctorum terciam partem habebit; et, si quid ei speciatim divisum fuerit, suum erit; sicut
l.19 et monachorum erit quod eis speciatim dabitur. Ceterum si in castello Saxifontis, obsidionis aut guerre aut cujuscumque eventus causa, capel-
l.20-la constructa fuerit, nec capellanus nec alius quis in ea cantare presumet, nisi prior concesserit; et hoc tantum necessitate instante.
l.21 Quod autem in ea oblatum fuerit, prioris erit; decimas vel alios redditus, si in predictis locis acquisierit, nichil in eis capellanus habebit.
l.22 Hec compositio publice lecta in claustro Lingonensi, coram pluribus ecclesie nostre personis, a nobis confirmata est et autenticata, an-
l.23-no incarnati Verbi MoLXXXoIIIIo, XIIIo kalendas septembris. Testes fuerunt: Johannes archidiaconus, Otto cancellarius Lugdunensis
l.24 ecclesie, qui aderat, Jocerannus, Wilencus Lingonensis ecclesie canonicus, Ebrardus quoque scriptor et scriniarius noster et alii quamplures.
l.25 Quicumque hanc compositionem ad pacis et caritatis custodiam a nobis corroboratam transgressus fuerit, auctoritate Dei et nostra
l.26 excommunicatus, a regno Dei et a consortio justorum inperpetuum separetur, nisi resipuerit. Amen. Fiat.
l.27 [sceau].

Bibliographie

CHASSEL (J.-L.), L'apparition du sceau dans les actes de la chancellerie de Langres au XIe siècle, in Cahiers Haut-Marnais, 167 (1986), p. 77-95.

CHEVRIER (Georges), CHAUME (Maurice), Chartes et documents de Saint-Bénigne de Dijon, prieurés et dépendances des origines à 1300, t. 1 : VIe-Xe siècle, Dijon, 1986, t. 2, p. 138-140, n° 360.

Responsable

M. Courtois

Comment citer cette notice

Acte n°179 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°179»[En ligne] http://www.cn-telma.fr/originaux/charte179/. Date de mise à jour : 29/03/12.