Charles le Chauve, roi des Francs, concède à son fidèle Adroarius des biens situés dans le Narbonnais.

l.1 [chrisme] IN NOMINE SANCTE ET INDIVIDUAE TRINITATIS, KAROLUS, GRATIA DEI REX. REGALIS CELSITUDINIS MORIS EST FIDELES SUOS DONIS MULTIPLICIBUS ET HONORIBUS INGENTIBUS HONORARE ATQUE SUBLIMARE CUPIMUS FULCIRI.
l.2 Proinde morem parentum regum videlicet predecessorum nostrorum sequentes, libuit celsitudini nostrae quendam fidelem nostrum, Adroario nomine, de quibusdam rebus nostrae proprietatis honorare atque in ejus juris potestatem
l.3 liberalitatis nostrae gratiam conferre. Idcirco noverit experientia atque industria omnium fidelium nostrorum, tam presentium quam et futurorum, quia concedimus eidem fideli nostro Adroario ad proprium quasdam res
l.4 juris nostri sitas in pago Narbonense, villa Mairolas cum suos fines et termines et cum ipsa eclesia ibidem sita in honore sancti Adriani, et cum ipsa silva Montederno et ipso monte que vocant Monasteriolum, cum silva Bitoranda, usque ad Riotara-
l.5-ciaco et usque ad Petraficta inter Redense et Narbonense, et in villare Pereto ipso fisco, et in villa Calcicastello ipso fisco. Igitur ita confirmando memoratas res cum omni integritate et eorum apendiciis, cum ipsa eclesia,
l.6 cum domibus, edificiis, terris, vineis, pratis, silvis, pascuis, farinariis, aquis aquarumve decursibus, vel etiam quicquid ad supradictas res pertinere videtur, praedicto fideli nostro Adroario ad proprium
l.7 per hanc nostrae auctoritatis conscriptionem concedimus, et de nostro jure in jus ac potestatem illius solemni dominatione transferimus, ita videlicet ut quicquid ab hodierno die et tempore exinde pro
l.8 sua utilitate adque comoditate jure proprietario facere decreverit, liberam et firmissimam in omnibus abeat potestatem faciendi, tam donandi quam vendendi seu comutandi necnon etiam
l.9 heredibus relinquendi. Et ut hec nostrae largitionis ac dominationis auctoritas perpetuam obtineat firmitatem, manu propria subter eam firmavimus et de anulo nostro adsignari [jus]simus.
l.10 SIGNUM [monogramme] KAROLI GLORIOSISSIMI REGIS. [chrisme] FOLCHRICUS NOTARIUS AT VICEM HLUDOVICI RECOGNOVI ET SUBSCRIPSI [ruche_notes_tironiennes] [Domnus rex fieri jussit] [sceau].
l.11 Data X kalendas junii, indictione XII, anno XXI, regnante gloriosissimo Karolo rege. Actum aput Compendio palatio regio. In Dei nomine, feliciter. Amen.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 8, p. 592, n° 188.

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 2, p. 605-607, n° 483.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 5, pl. 24 (fac-similé).

MAGNOU-NORTIER (Elisabeth), MAGNOU (Anne-Marie), Recueil des chartes de l'abbaye de la Grasse, 2 vol., Paris, 1996-2000 (Collection de documents inédits sur l'histoire de France, 24 et 26), t. 1, p. 38-39, n° 24.