Charles le Chauve, roi des Francs, donne à son fidèle Hildericus, un manse avec une chapelle dédiée à saint Geniès dans la villa de Cesseras en Minervois, dans le ressort de Narbonne.

l.1 [chrisme] IN NOMINE SANCTAE ET INDIVIDUAE TRINITATIS, KAROLUS, GRATIA DEI REX. REGALIS CELSITUDINIS MORIS EST FIDELES SUOS DONIS MULIPLICIBUS ET HONORIBUS INGENTIBUS HONORARE ATQUE SUBLIMARE.
l.2 Proinde morem parentum regum videlicet predecessorum nostrorum sequentes, libuit celsitudini nostrae quendam fidelem nostrum, Hildricum nomine, de quibusdam rebus nostrae proprietatis honorare atque in ejus juris potestatem liberalitatis nostrae
l.3 gratiam conferre. Idcirco noverit experientia atque industria omnium fidelium nostrorum, tam presentium quam et futurorum, quia concedimus eidem fideli nostro Hildrico ad proprium quasdam res juris nostri sitas in pago Menerbense, in suburbio
l.4 Narbonense, in villa quae dicitur Censeradus, mansum unum cum capellam ibidem consistentem, que est constructa in honore sancti Genesii. Memoratas res cum omni integritate et eorum appendiciis cum domibus, aedificiis, terris, vineis,
l.5 pratis, silvis, pascuis, farinariis, aquis aquarumve decursibus, vel etiam quicquid ad supradictas res juste et legaliter pertinere videtur praedicto fideli nostro Hildrico ad proprium per hanc nostrae auctoritatis conscriptionem concedi-
l.6-dimus et de nostro jure in jus ac potestatem illius sollemni donatione transferimus, ita videlicet ut quicquid ab hodierno die et tempore exinde pro sua utilitate atque commoditate jure proprietario facere decreverit,
l.7 liberam et firmissimam in omnibus habeat potestatem faciendi, tam donandi quam vendendi seu commutandi necnon etiam heredibus relinquendi. Et ut haec nostrae largitionis atque donationis
l.8 auctoritas perpetuam obtineat firmitatem manu propria subter eam firmavimus et de anulo nostro adsignari jussimus.
l.9 SIGNUM [monogramme] KAROLI GLORIOSISSIMI REGIS.
l.10 [chrisme] JONAS DIACONUS AD VICEM HLUDOUUICI RECOGNOVIT ET SUBSCRIPSI[T] [ruche_notes_tironiennes] [Jonas notarius ad vicem Ludovici recognovit et subscripsit] [sceau].
l.11 Data II kalendas maii, anno IIII, indictione VI, regnante Karolo gloriosissimo rege. Actum Ferrucius villa. In Dei nomine, feliciter. [Amen, amen].

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 1, p. 93-95, n° 35.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 3, pl. 10 (fac-similé).

MAGNOU-NORTIER (Elisabeth), MAGNOU (Anne-Marie), Recueil des chartes de l'abbaye de la Grasse, 2 vol., Paris, 1996-2000 (Collection de documents inédits sur l'histoire de France, 24 et 26), t. 1, p. 24-25, n° 16.