Lothaire, empereur, concède à son fidèle Fulcrade un manse situé dans la villa Bettinga, dans le pagus d'Eifelgau.

l.1 IN NOMINE DOMINI NOSTRI JESU CHRISTI DEI AETERNI, HLOTHARIUS, DIVINA ORDINANTE PROVIDENTIA IMPERATOR AUGUSTUS. DIGNUM EST UT IMPERIALIS MAJESTAS PROCERUM SUORUM RATIONABILIBUS PRECIBUS AUREM SUAE PIETATIS ACCOMODET ET
l.2 ad effectum perducat, quatenus in suis semper obsequiis eorum animos reddat efficatiores. Igitur omnium fidelium sanctae Dei aecclesiae ac nostrorum presentium scilicet et futurorum conperiad industria, quia Matfridus fidelis ministerialis noster
l.3 ad nostram accedens majestatem deprecatus est, ut cuidam fideli nostro Fulcrado nomine quasdam res nostrae propriaetatis in pago Eiflense consistentes concederemus ad proprium. Cujus petitionem propter suae fidelitatis meritum libenter adquies-
l.4-centes, hos excellentiae nostrae apices decrevimus fieri, per quos in memorato pago, in villa quae Bettinga nominatur, jamfato Fulcrado mansum indominicatum unum, ad quem pertinere noscuntur alii mansi VIII quos ipse prius beneficiario possedit munere
l.5 cum eorum pertinentiis scilicet cum aecclesia, domibus ceterisque edifitiis, terris cultis vel incultis, silvis, campis, pratis, pascuis, aquis aquarumve decursibus, molendinum, exitibus et regresibus, mancipiis utriusque sexus et etatis ad eos pertinentibus, necnon
l.6 et cum reliquis apenditiis concedimus ad proprium et de nostro jure in jus ac dominationem illius transfundimus, ita videlicet ut qutquid ab hodierno die et deinceps ex eis facere, ordinare atque disponere voluerit liberam in omnibus habeat potestatem, sicut et de
l.7 reliquis hereditatis suae rebus, ita dumtaxat in nostra inviolabiliter perseverens fidelitate. Et ut haec nostrae largitionis hauctoritas f[i]rmior habeatur, manu propria nostra subter firmavimus et anuli inpressione adsignari jussimus nostri.
l.8 SIGNUM [monogramme] HLOTHARII SERENISSIMI AUGUSTI.
l.9 [chrisme] [Remigius habebat signum. Rodmundus.]. HRODMUNDUS NOTARIUS AD VICEM HILDUINI RECOGNOVI ET [ruche_notes_tironiennes] [Rodmundus notarius ad vicem Hilduini recognovi et subscripsi. Remigius magister firmare jussit, qui et ipse sigillavit] [sceau].
l.10 Data XIII kalendas martii, anno Christo propitio imperii domni Hlotharii pii imperatoris in Italia XXV et in Francia [III], indictione VIII. Actum Aquisgrani palatio. In Dei nomine, feliciter. Amen. [Feliciter. Amen].

HONTHEIM (Joannes Nicolaus), Historia Trevirensis diplomatica et pragmatica, 3 vol., Vienne - Wurzbourg, 1750, t. 1, p. 182, n° 81.

SCHIEFFER (Th.), Die Urkunden Lothars I. und Lothars II., Berlin-Zurich, 1966 (MGH Diplomata Karolinorum, 3), p. 206-207, n° 84.