Les moines de Saint-Michel de Tonnerre notifient à l'évêque de Langres Hardouin qu'ils ont procédé à l'élection de l'abbé Hunaud II, à la suite du décès de leur abbé.

l.1 Dei omnipotentis opitulante gratia, beati patris Benedicti salutaria relegentes atque imitare
l.2 cupientes decreta, inter cȩtera ipsius monasticȩ institutionis dogmata invenitur
l.3 quis vel a qualibus ad abbatis offitium sit eligendus: is quippe merito dominico
l.4 est preponendus ovili; cujus ordinationi timentes Deum et amantes favent consensu
l.5 ac voluntate concordi, quique vita et verbo sibi commissis magis prosit quam presit
l.6 illius sequens vestigia qui venit non ministrari sed ministrare. Et quoniam ad eum qui est
l.7 via veritas et vita aliter non possumus redire nisi per laborem oboedientiȩ a quo primus
l.8 parens ob culpam discessit inoboedientiȩ, ideo necesse est per omnia voluntati spiritalis obtempe-
l.9-rare patris. Ergo salvatoris nostri factis et monitis informati sanctorum quoque patrum doctrinis
l.10 instructi, nos, sub habitu conversantes monachili, volumus et petimus, domine pater HARDUINE
l.11 Linguonicȩ sedis ȩcclesiȩ presul, proprii abbatis dominio subici. Ademus preceptum nostrarum secun-
l.12-dum Deum disponantur moderamina voluntatis. Idcirco notificamus omnium fidelium conventui
l.13 quod nos omnes qui Tharnodorense inhabitamus coenobium, pastorem desideramus habere
l.14 proprium, non alienum, non extraneum, non dissipatorem substantiȩ nec conturbantem Christi
l.15 vinee operarios, nec alterius sectȩ imitatorem, sed ipsum utique quem omnis concors congregatio secundum
l.16 timorem Dei necnon et beatȩ in eternum memoriȩ strenuus pater Hunaldus cujus morte orphani
l.17 relicti sumus, dum adhuc viveret, laudavit, hunc nos omnes pariter quos monasticȩ professionis
l.18 adornat titulus, cum consilio et voluntate supradicti patris, eligimus nobis HUNALDUM
l.19 in pastorem et patrem ut ab hodierna die simus illi subditi et oboedientes secundum Deum et sanctȩ quam promisimus
l.20 regulȩ decretum cujus ordinationis status ut inviolabilis permaneat et inconvulsus persistat, propria
l.21 manuum subscriptione roboramus et confirmamus abbas Hunaldus pie memoriȩ recolendus laudavit
l.22 et monachis ac fidelibus suis firmare fecit. Signum Vuidonis prioris. Signum Vuidonis helemosinarii.
l.23 Signum Humberti. Signum Stephani. Signum Humberti, juvenis. Signum Ademari. Signum Johannis. Signum Odberti. Signum Girardi.
l.24 Signum Teoderici. Arembertus vicecancellarii propria manu laudavit et subscripsit. Novissime
l.25 cuncta familia cum clericis et laicis cum servis et ancillis pari consensu una voce una sententia,
l.26 hunc sibi obtant prefici in patrem propriisque manibus roborant atque confirmant.
l.27 Signum Widonis prepositi. Signum Rodgerii. Signum Vuidonis vicecomitis. Signum Hugonis prepositi. Signum Odonis.
l.28 Signum Johannis. Signum Hugonis juvenis. Signum Rainardi. Ore omnium concors laus efficitur.