Hugues, archevêque de Lyon, donne à l'abbaye de Cluny l'église Saint-Germain de Renon, en échange de celle d'Ars-sur-Formans qu'il lui avait antérieurement promise.

l.1 Reverentissimo patri domino Hu[goni], Cluniensium abbati, et toti congregationi Cluniensi illi commissȩ, Hu[go],
l.2 Lugdunensis ȩcclesiȩ servus, salutem. Scimus nos rogatu domni Petri, domini Pape camerarii, ȩcclesiam Artensem vobis et
l.3 ȩcclesiȩ vestrȩ olim dedisse. Qua de causa filii nostri canonici Lugdunensis ȩcclesiȩ turbati, cȩperunt instanter precari
l.4 clementiam nostram, ne prefatam ȩcclesiam Artensem pateremur aliqua occasione alienari et separari ab ȩcclesia
l.5 Sancti Stephani Lugdunensis, juris cujus ab antiquis temporibus fuerat. Quorum clamoribus ac precibus flexi,
l.6 promisimus jamdicto domno Petro pro Artensis ȩcclesiȩ commutatione nos daturos vobis ȩcclesiam de Sancto Germano, quȩ
l.7 sita est intra ȩcclesiam de Capella et ȩcclesiam de Marlico. Quam promissionem nunc perficientes, concedimus vobis et
l.8 ȩcclesiȩ Cluniensi supradictam ȩcclesiam Sancti Germani jure perpetuo possidendam, retinentes in ea synodales census et
l.9 censum alium quem beatȩ memoriȩ domnus Gibuinus, archiepiscopus, in illa imposuit, obȩdientiam quoque et reverentiam
l.10 episcopalem, sicut in cȩteris ȩcclesiis quas beato Petro concessimus. Signum Girini decani. Signum Girini capellani.
l.11 Signum Gausceranni cantoris. Signum Arnaldi magistri. Signum Godonis canonici et archipresbiteri. Signum Teotardi camera-
l.12-rii.
l.13 Actum Lugduni, anno incarnationis dominicȩ MCVI, indictione XIIII. [sceau].