Ermentrude, fille du comte de Bourgogne Guillaume I^er, et ses fils donnent à l'abbaye de Cluny le prieuré de Morteau et la cour de Froidefontaine.

l.1 Anno ab incarnatione domini nostri Jhesu Christi MCV, decemnovalis cycli IIII, solaris XXII, lunaris XVIII, indictione XIII, epacta III, concurrente VI,
l.2 Paschasio papa apostolicam sedem vice beati Petri tenente, Henrico imperatore regnante, venerabili autem patre Hugone Cluniaco presidente,
l.3 Patre omnipotente ammonente, filioque ejus Domino nostro amministrante, Sancto vero Spiritu docente, filia Wilelmi comitis de Burgundia, Hermentrudis
l.4 scilicet et filii sui Fridericus, Raginaudus, Theodericus, pro se ipsis ac suis antecessoribus, successoribusque antecessoribus videlicet, Lodewico,
l.5 Sophia ejus uxore, et filiis eorum Brunone, Theoderico, Lodewico, Friderico, filiabus vero Mathilde, Sophia, Beatricȩ, filiis autem Theoderici atque suȩ
l.6 uxoris Hermentrudis, Lodewico, Wilelmo, Hugone, Sancto Petro Cluniacensis ȩcclesiȩ per manum Hugonis monachi, prioris scilicet de loco qui vocatur Mortua
l.7 Aqua, curtem quȩ vocatur Frigidus Fons, cum alodio eidem curti pertinente, hoc est ȩcclesiam de Grona cum omnibus appendiciis ejus, coloniam de Normanno
l.8 Villare, terram de Recourantia, et illam de Quercubus, capellam de Putecrot cum cimiterio ejus, nichil sibi, nec etiam advocatiam retinentes, dederunt disserendo,
l.9 et Hermentrudis atque Theodericus filius suus, rogantibus presentibus, inibi sanxerunt, ut quod de prefato alodio Theodericus de Caprino Monte, et Johannes
l.10 de Brezela in feodum habent, ȩcclesia de Frigido Fonte, sine proclamatione etiam aliqua heredum eorum, post obitum eorum habeat. Inter cetera vero prior Hugo atque
l.11 Hermentrudis comitissa et filii ejus, disserentes constituerunt, ut si quis monachorum prefati loci proclamationem apud aliquem successorum eorum, qui teneret
l.12 castrum Montis Biligardis, quod fuit comitis Theoderici, pro aliqua injuria eis illata faceret, ipse successor justiciam fieri juvaret, nichil inde sibi
l.13 accipiens. Actum est hoc apud Montem Biligardis, VIII idus martii, feria IIII, presentibus atque testibus Thebaldo de Rubeo Monte, Wirico de Belram,
l.14 Henrico de Sorcei, Morando de Grangis, Theoderico de Chiwremonte, Gundranno capellano, aliisque multis, quorum nomina longum
l.15 est enumerare. Cum autem pridie Palmarum apud Frigidum Fontem comes Fredericus idem allodium propria manu Sancto Petro per
l.16 manum Hugonis prioris dedisset, presentes fuerunt Henricus de Suarca cum genero suo Gerunch, Gotefridus filius avunculi ejusdem
l.17 comitis et alii quamplures.