Clémence, comtesse de Flandre, place le monastère de Saint-Bertin sous la dépendance de l'abbaye de Cluny.

l.1 In nomine Patris et Filii et Spiritus Sancti, domno Hugoni, sancte Cluniacensis aecclesiȩ abbati, Clementia, Flandrensium comitissa,
l.2 beatam cum dextrae partis ovibus portionem. Quoniam de pietatis vestrae visceribus, pater reverende, plurimum presumo, idcirco
l.3 pro religione in partibus nostris per vos constituenda, nunc scriptis, nunc internuntiis fiducialiter ad misericordiam vestram recurro. Nullum enim
l.4 opus gratius creatori nostro fore existimo, quam ut his operam demus, quatenus locus qui huc usque plane erat ȩcclesia malignantium
l.5 ex superni respectus inmutatione fiat gloriosa habitatio Deo servientium et regulariter ac pie insimul viventium; et quoniam
l.6 sancta prudentia vestra michi scripsit, ut juxta cujusdam sapientis dictum, plus rerum exitus quam initium attenderem, vosque
l.7 discordias procerum ac ipsius loci fratrum vereri, ad id primum audacter respondeo, quod in hoc meo
l.8 proposito omnino firma, immo constantissima, Deo teste, perseverabo, nec pro dissensione procerum,
l.9 quae nulla erit, cum maxime cordi sit omnibus, nec pro controversiis seu contradictionibus
l.10 fratrum, quas omnimodis ad nichilum redigemus, a tam sancto opere tamque pia intentione quoad vixero
l.11 umquam declinabo. Ego igitur, Clementia, gratia Dei Flandrensis comitissa, eadem potestate ac stabili-
l.12-tate qua dominus meus, dum adhuc in terra sua esset, quecumque juris mei sunt ordinans, atque disponens,
l.13 consilio episcoporum meorum Johannis videlicet Morinensis et Lanberti Atrebatensis simulque instinctu
l.14 quorundam principum, quos ad hoc mecum disponendum altiori quidem consilio convocavi, juxta
l.15 petitionem ipsius abbatis atque voluntatem celitus michi inspiratam, monasterium Beati
l.16 BERTINI omniaque ad ipsum pertinentia, tam exterius quam interius, et quicquid ad nos
l.17 ac antecessores nostros ex eodem actenus attinebat, Deo et sancto PETRO, vobis quoque ac succes-
l.18-soribus vestris per concessionem diocesani episcopi libenter concedimus, et per presentis paginae traditionem,
l.19 jure perpetuo donamus atque pro redemptione animae meae ac successorum meorum, pro salute
l.20 quoque domini mei Rodberti comitis, de cujus voluntate atque assensu super hoc negotio, si forte divina pietas
l.21 eum reduxerit, certissima sum, locum illum secundum tenorem litterarum domni papae perfecte vobis subicimus, ita etiam
l.22 ut abbas a vobis ibidem ordinatus, si secundum regulam beati BENEDICTI et sacras institutiones vestrae Cluniacensis
l.23 aecclesiae non vixerit, liberam facultatem eum removendi alterumque substituendi habeatis, presertim cum non aliunde
l.24 nisi de Cluniaco, quemquam deinceps ibidem liceat preesse. Haec autem omnia concessa et firmiter collaudata sunt sub
l.25 testimonio episcoporum supramemoratorum: Johannis Tarvanensis et Lanberti Atrebatensis, ac obtimatum meorum
l.26 scilicet: Rodberti de Betunia ipsius abbatiae advocati, atque Balduini ejusdem villae castellani, necnon
l.27 Baldrici, magnȩ probitatis viri. Ad vestram ergo magnam prudentiam atque sanctitatem spectat locum illum pro amore Dei
l.28 ex vestris religiosis personis ac honestis viris, quibus habundatis, sic ordinare, quatenus malitia inibi diutius jam
l.29 molita penitus extirpetur atque in vita morumque honestate ibidem conversantium nomen Domini per omnia ab
l.30 omnibus glorificetur. Amen.
l.31 [sceau].