Ermentrude, épouse de Bernard de Brancion, donne à l'abbaye de Cluny un manse situé dans la villa Lium et divers biens situés dans les villae Nocles, Caisiaco et Macheriaco.

l.1 Divinȩ miserationis ineffabilis dulcedo filium suum pro nostra redemptione incarnandum ex servili forma
l.2 in nostrȩ mortalitatis naturam mittens, ut humanȩ dignitatis conditio nec post lapsum periret, quanta
l.3 dilectione circa nos specialiter habundaverit, ex hoc manifeste cognoscitur, quod angelicȩ creaturȩ
l.4 ruinȩ nullatenus post culpam miseretur. Quocirca, quoniam ipse prior nos dilexit, diligendus est, et ne
l.5 nos tantis beneficiis ingratos gehennȩ deputet formidandus, si, dum licet, tempus acceptabile diesque
l.6 salutis negligimus et animabus in perpetuum victuris medicare non satagimus. Nam procul dubio con-
l.7-stat quia post mortem corporis nullus locus veniȩ animabus conceditur, nisi illis qui in hoc seculo positi elemo-
l.8-sinis et cȩteris misericordiȩ operibus insudare conantur. Quapropter ego Ermentrudis, facinorum meorum mole perterrita,
l.9 sed ex misericordia illius qui mortem peccatorum non optat, relevata et confortata, ante mortem meam quendam
l.10 mansum pro remedio animȩ meȩ et pro corporis sepultura loco Cluniacensi tradidi, ita ut absque calump-
l.11-nia vel inquietudine cujuslibet personȩ post mortem meam prefatus locus in perpetuum habeat. Dedi
l.12 etiam et concessi non solummodo supradictum mansum, sed etiam quicquid in eadem villa, cujus nomen
l.13 est Lium, habebam vel habere debebam, et in villa qui dicitur Nocles, et in villa Caisiaco, et in villa Macheriaco, totum ab integro dono et laudo supradicto loco sine ullo calumpniatore post mortem Widonis, nepotis mei, si ipse sine legimo herede morere-
l.14-tur, cui cum tali tenore concesseram, eidem loco donavi. Hanc tamen conventionem retinens,
l.15 ut idem nepos in eodem loco sepeliretur. Si quis autem Sathanȩ instinctu aut improbo ausu
l.16 sepedicto surripere loco presumpserit, nisi resipuerit, cum Pilato et Juda, cum Anania et Saphi-
l.17-ra, cum diabolo et angelis ejus, utpote raptor et sacrilegus perpetuis crucietur in ignibus, quoniam
l.18 ea quȩ neque nepti meȩ neque alicui propinquorum meorum, sed Deo omnipotenti et servis suis tantummodo concessi
l.19 et dedi, nefas rapinȩ et sacrilegii est vel modicum diminuere. Signum Widonis nepotis mei. Signum Cons-
l.20-tantii de Praildis. Signum Johannis de Blacio. Signum Petri Artamali. Signum Dodonis presbiteri, et Wilelmi presbiteri.
l.21 Signum Heynrici et uxoris ejus.

1