Hugues, abbé de Cluny, donne à l'abbaye de Marcigny-les-Nonnains, l'obédience d'Igaranda.

l.1 Noverint omnes fratres nostri, presentes et futuri, quod ego Hugo abbas, diu tractantibus meque instanter deprecantibus filiis ac fratribus nostris, domno videlicet
l.2 Heinrico priore, domno Bernardo camerario, Hugone cellarario, Ilio decano, Artaldo decano de Lordono, pluribusque aliis, concedo perenniterque
l.3 dono obȩdientiam de Igaranda cum appendiciis suis, satis scilicet defraudatam et attenuatam, Marciniacensi loco sororibusque nostris ibi die
l.4 ac nocte servientibus Deo, quarum procurationem commisimus filio nostro domno Seguino. Visum est namque nobis et dicitur a multis, quod postquam
l.5 hȩc obȩdientia Marciniaco pertinuerit, quia prope sita est, frater illius loci eam studiose colendo, sepius videndo, plura ibidem adquiren-
l.6-do, poterit ipsam hedificare et ad utilitatem sororum illarum meliorare. Pro cujus commutacione, laudantibus similiter et poscentibus fratribus
l.7 nostris, damus quȩdam de his quȩ Marciniaco appendebant, camerȩ Cluniacensi, quasdam videlicet obȩdientias, villas, mansos,
l.8 reditus atque pecunias, quorum nomina hic habentur posita. Primitus vero ponitur inter cȩtera tota obȩdi-
l.9-entia de Berziaco villa, cum omnibus ibidem pertinentibus; terra Faletrudis, quȩ nominatur similiter de Berziaco villa, in qua jamdictus Seguinus do-
l.10-navit quatuor milia solidos et ducentos viginti et unum palefredum; obȩdientia de Furchas, solvens annuatim decem solidos Morlanenses; in obȩ-
l.11-dientia de Cavaros viginti sextarii fabarum; in obȩdientia de Amberta viginti solidi Lugdunensis monetȩ; mansus de Monte Canino, reddens
l.12 septem solidos ejusdem monetȩ, vel parcerencus fiet ibidem, si magis placuerit camerario; mansus de la Charala, de quo solvuntur quindecim solidi ejusdem mo-
l.13-netȩ vel parcerencus; in villa de Bruales et in villa de Salas, quicquid Marciniacus ibi habebat, vineȩ scilicet et castanaria, ubi octo quarratȩ
l.14 vini recipi solent, si non coquatur aut tempestetur; in villa de Ronnens septem solidi ejusdem monetȩ et quinque asinatȩ sigili; in villa de Aquispas-
l.15-sis, septem solidi ejusdem monetȩ; obȩdientia de Telerias reddens quindecim summatas salis debitales; in villa de Salins una caldaria solvens annua-
l.16-tim quinquaginta solidos; mansus de Rocha reddens medietatem vini unius vineȩ et unum prandium; mansus de Vilars Manols, solvens similiter medi-
l.17-etatem vini unius vineȩ et unum prandium et taschiam ipsius terrȩ et duos solidos in festivitate sancti Martini; mansus de Marriaco reddens duos pa-
l.18-nes et duodecim nummos, et unus campus appendens huic manso, reddens taschiam; terra de Bosroen, quam dedit Marciniaco Fulcrens pro filia sua;
l.19 mansus de Vallis quem dedit Hugo Ferrols; obȩdientia de Saltu, et omnia quȩ ibi pertinent; in villa de Cavaniaco unus mansus; in villa de
l.20 Catgiset unus clausus, quem dedit Marciniaco Ada, soror domni Hugonis cellararii, excepto uno modio vini quem ipsa dedit monachis de
l.21 Quadrella; in valle de Matciaco quicquid Regina de Obled dedit Marciniaco post mortem filii sui. Sub hac etiam convenientia conces-
l.22-sit domnus abbas camerario, ut per manum ipsius in predicto loco Marciniensi domina una reciperetur, nichil ibi tribuens, nisi quod juxta morem ali-
l.23-arum dominarum honeste esset induta; quicquid autem ipsa dedisset sive terram, sive pecuniam, camerarius in proprio haberet. Hoc tantum in obȩdien-
l.24-tia de Berziaco retentum fuisse omnes noverint, quod ex ipsa in anniversario patris nostri domni Hugonis abbatis plena refectio Cluniensi conventui
l.25 in perpetuum amministrabitur, et in anniversario domni Petri de Gletens, tantum generalis eidem conventui de ea preparabitur. In obȩdiȩntia etiam de Ygaran-
l.26-da, hoc solum retineri cunctis ignotescat, quod frater ille qui Marciniaci curam gesserit, ex ea in anniversario domni Dalmatii de Sinemuro, patris
l.27 videlicet domni Hugonis abbatis, generalem tantummodo Cluniensibus fratribus perpetuo solverit. Facta est hȩc commutacio, sicut hic scripta
l.28 habetur, anno ab incarnatione Domini MC, sedente in Romana ȩcclesia Pascali papa secondo, quȩ communi consilio facta et definita in Clunien-
l.29-si capitulo, coram me Hugone abbate, coramque toto conventu recitata est, firmiterque laudat. Unde quia ita est, et hȩc commutacio ad uti-
l.30-litatem utriusque domus, Cluniensis videlicet et Marciniensis, facta est, volumus et ex parte Dei et beati Petri deprecamur, quatinus quod fecimus, fratres et
l.31 successores nostri sic factum teneant, nec violare presumant. Si quis autem hoc institutum violaverit, et ad priorem statum reducere non
l.32 erubuerit, videat ipse quid fecerit, nos tamen non alio eum ferientes gladio totum inter Deum et ipsum ponimus: unde pre omnibus Deum timeat; om-
l.33-nibus vero ita servantibus predictumque locum ubi sorores illȩ pro Deo pauperes factȩ sunt juvantibus, sit pax perennis et gaudium sine fine.