Paris, BNF, coll. de Bourgogne t. 79 n° 175

<< < / > >>

Numéro1734

Fiabilité de l'actenon suspecté

Genrebulle

Date20/11/1100(fiabilité :édition)

LieuLatran(lat :Lateranis)

DiocèseMâcon

RégionBourgogne

Supportparchemin

Chirographienon

Sceau bulle perdue

Etat de la traditionoriginal

Hauteur à gauche690   mm

Largeur en haut460   mm

Largeur en bas455   mm

AuteurPape Pascal II

BénéficiaireAbbaye  de  CLUNY

Regeste

Pascal II, pape, confirme les privilèges et les biens de l'abbaye de Cluny.

Fac-similé

Texte

l.1 PASCHALIS, EPISCOPUS, SERVUS SERVORUM DEI, VENERABILI FRATRI HUGONI, CLUNIACENSI ABBATI, EJUSQUE SUCCESSORIBUS REGULARITER SUBSTITUENDIS IN PERPETUUM. Et religionis prerogativa, qua per universas
l.2 Gallias nostris temporibus per Dei gratiam congregatio vestra praecelluit, et inconcussa caritatis unitas, qua inter procellas omnes sedi apostolicae adhesistis, mansuetudinem nostram vehementius exhortantur, immo urgent
l.3 atque compellunt, ut vestris petitionibus assensum accommodare, et quieti vestrae in posterum providere sollicicius debeamus. Ea propter quicquid libertatis, quicquid tuitionis, quicquid auctoritatis predecessores nostri ecclesiae ROMANAE pon-
l.4-tifices, presertim apostolicae memoriae GREGORIUS VII et URBANUS II vestro monasterio, et locis ad id pertinentibus contulerunt, nos quoque presenti decreto auctore Domino confirmamus. Ad haec adicimus, ut in
l.5 omnibus prioratibus, et cellis, quae nunc sine proprio abbate vestro regimini subjecte sunt, nullus umquam futuris temporibus abbatem ordinare presumat. Sed tam prioratus ipsi et cellae, quam et cetera, in quibuslibet locis omnia,
l.6 quibus fraternitas tua Arvernensis concilii, quod per supradictum Urbanum papam celebratum est, tempore investita erat, de quibus tunc nulla questio mota est, cui nimirum concilio per temetipsum interfueras, tam tibi quam suc-
l.7-cessoribus tuis in pace semper et quiete serventur. In quibus haec propriis visa sunt annotanda nominibus: Sancta Maria de Caritate de Marciniaco, Sanctus Petrus de Cunsiaco, Sanctus Petrus de Leunciis, Sanctus Paulus de Pergamo,
l.8 Sanctus Ysidorus de Hispania, Sanctus Ozilus de Scarrione, Sanctus Marcellus de Salsiniaco, Sanctus Marcellus de Cabilone, Carus Locus, Paredus, Romanum Monasterium, Sanctus Victor de Gebenna, Paterniacus, Sanctus Saturninus
l.9 de Provincia, Sanctus Eutropius, Sanctus Martinus de Auxia, Monasterium de Cacerris, Sancta Maria de Tolosa, Boort, Tiernus, Sanctus Martinus de Campis, Silviniacus, Salsinangie, Novigentum, Crispeiacus, Virgenus,
l.10 Ginniacus, Nantoacus, Sanctus Pancratius de Anglica, Sanctus Lecerius de Bigorro, Sanctus Oriencius Auxiensis, Sancta Maria de Nazara, Sanctus Jacobus de Pontivo, Sanctus Gabrihel de Cremona, Sanctus Salvator, et Sanctus Stephanus
l.11 de Niverno. Precipimus etiam, ut omnes eclesiae seu capellȩ vestrae, et cimiteria libera sint, et omnis exactionis immunia, preter consuetam episcopi paratam et justitiam in presbyteros, si adversus ordinis sui
l.12 dignitatem offenderint. Exceptis nimirum eclesiis illis, quae absque hujusmodi subjectione in abbatis potestate subsistunt. Liceat quoque vobis, seu fratribus vestris, in ȩclesiis vestris, presbyteros eligere, ita tamen ut ab episcopis
l.13 vel episcoporum vicariis, animarum curam absque venalitate suscipiant, quam si committere illi, quod absit, ex pravitate noluerint, tunc presbyteri ex apostolicae sedis benignitate officia celebrandi licentiam con-
l.14-sequentur. Ecclesiarum vero seu altarium consecrationes ab episcopis, in quorum diocesibus sunt, locorum vestrorum fratres accipiant. Siquidem gratis ac sine pravitate voluerint exhibere. Alioquin a catholico, quem
l.15 malueritis episcopo, consecrationum ipsarum sacramenta suscipiant. Neque cuilibet facultas sit, aut claustri vestri, aut vestrorum locorum fratres pro vivorum sive defunctorum elemosinis ob salutem datis inquietare,
l.16 sed tam virorum, quam mulierum oblationes, quae ad eos afferuntur; in usu servorum Dei, pauperumque profecturus, recipire liceat. Abbatias vero, quas tuae, tuorumque successorum ordinationi predecessor noster Gregorius VII papa
l.17 commisit, nos quoque committimus, videlicet Virzelai, Sancti Egidii, Sancti Johannis de Angeliaco, Sancti Petri de Moysiaco, Malliacensem, Sancti Martialis de Lemovico, Novum Monasterium, Sancti Cypriani Pictaviensis,
l.18 de Fiaco. Adicientes ut etiam Sancti Germani Autisiodorensis, Sancti Astrimonii Mauziacensis, Sancti Bertini Tarvannensis, eidem ordinationi subjaceant, salvo nimirum jure sanctae Romanȩ eclesiae. Nec minus
l.19 illud supradicti Urbani secundi papae capitulum confirmamus, ne cellarum vestrarum ubilibet positarum fratres, pro qualibet interdictione, vel excommunicatione divinorum officiorum suspensionem patiantur sed
l.20 tam monachi ipsi quam et famuli eorum, et qui se monastice professioni devoverunt, clausis eclesiarum januis, non admissis diocesanis, divinae servitutis officia celebrent, et sepulturae debita peragant.
l.21 Concedimus etiam vobis laicos, seu clericos seculares, nisi qui pro certis criminibus excommunicati sunt, ad conversionem per loca vestra suscipere, clericos quoque regulares, qui vel in locis suis salvari non possunt, vel pro
l.22 necessitatibus ad vestrum cenobium confugiunt, suscipiendi, et ad vestrum propositum admittendi, religioni vestrae licentiam impertimur. Preterea decernimus, ut nulli omnino hominum liceat vestrum venerabile cenobium,
l.23 et loca ei subdita temere perturbare; sed eorum eclesiae possessiones et bona, cetera quae pro animarum salute jam donata sunt, vel in futurum Deo miserante donari contigerit, firma vobis, vestrisque successoribus,
l.24 et illibata permaneant: quos profecto cognoscimus ab excommunicatis pia discretione vigilantibus abstinere. Si qua igitur eclesiastica secularisve persona hanc nostrae constitutionis paginam
l.25 sciens, contra eam temere venire temptaverit, secundo tertiove commonita si non satisfactione congrua emendaverit, potestatis honorisque sui dignitate careat, reamque se divino judicio existere
l.26 de perpetrata iniquitate cognoscat, et a sacratissimo corpore ac sanguine Dei et domini redemptoris nostri Jhesu Christi aliena fiat, atque in extremo examine districte ultioni subjaceat. Cunctis autem
l.27 [eidem] cenobio justa servantibus, sit pax domini nostri JHESU CHRISTI, quatenus et hic fructum bonae actionis percipiant, et apud districtum judicem premia eternae pacis inveniant. Amen, amen, amen.
l.28 [rota] Ego Paschalis, catholicȩ ecclesiȩ episcopus [subscripsi] [benevalete].
l.29 Ego Oddo Hostiensis episcopus [subscripsi]. Ego Milo Praenestinus episcopus [subscripsi].
l.30 Ego Albericus Dei gratia cardinalis Sancti Petri ad vincula [subscripsi].
l.31 Ego Gualterius episcopus Albanensis ȩcclesie [subscripsi].
l.32 Ego Paganus, diaconus Romanȩ ȩcclesie cardinalis [subscripsi].
l.33 Datum Lateranis per manum Johannis, sanctȩ Romanȩ ecclesiȩ diaconi cardinalis, XII kalendas decembris, indictione VIIIa, incarnationis dominicȩ anno MoCo, pontificatus autem domni Paschalis secundi papae IIo.
l.34 [sceau].

Bibliographie

JAFFE-LOEWENFELD, n° 5849.

BERNARD (Auguste), BRUEL (Alexandre), Recueil des chartes de l'abbaye de Cluny, Paris : Imprimerie Nationale, 1876-1896, 6 vol., t. 5, p. 92, n° 3741.

LEFEBVRE-BECQ (Marie-Christine), Les plus anciennes chartes du monastère de Moissac. Edition critique, thèse de l'Ecole des Chartes, 1974, p. 467-471, n° 156.

Responsable

M.-J. Gasse

Comment citer cette notice

Acte n°1734 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°1734»[En ligne] http://www.cn-telma.fr/originaux/charte1734/. Date de mise à jour : 29/03/12.