Urbain II, pape, confirme à l'abbaye de Cluny la possession du monastère de Beaulieu.

l.1 UR[BANUS], episcopus, servus servorum Dei, venerabili fratri Hu[goni], Cluniacensi abbati, salutem et apostolicam benedictionem. Belli Loci monasterium
l.2 longis jam temporibus sine monasticȩ regulȩ disciplina fuit, et sicut rerum secularium detrimentis, ita etiam animarum perditio-
l.3-nibus patuit. Et monachi enim abbatem suum seculari presidio fulti expulerant, et adversus monachos abbas assiduis clamo-
l.4-ribus querebatur. Unde etiam locus ille per confratrem nostrum Bituricensem archiepiscopum aliquandiu excommunicationi addictus
l.5 fuerat; et miles ille Hugo, qui contra f[as eidem] monasterio incumbebat, et monachis ad prave vivendum patronus extiterat
l.6 post secundam vel tertiam admonitionis [nostre] dulcedinem beati Petri gladio, et canonice districtionis ultione perculsus est.
l.7 Nunc secundum omnipotentis Dei dispositionem, et frater ille quem a monasterio monachorum nequitia exturbaverat, humanis rebus exemptus
l.8 [est; et miles] ille qui seculari potestate monasterium occupabat, presente domino suo, comite Raimundo, quicquid illic hactenus potesta-
l.9-tis [exercuerat], nostris in manibus refutavit; et locum ipsum per nos Deo ac beato Petro restituit, rogans et obsecrans ut per
l.10 [tuam] et fratrum tuorum sollicitudinem in eodem loco vigor monastici ordinis reparetur. Cujus petitioni assensum
l.11 prebentes, eundem locum tam tue quam tuorum successorum cure perpetuo regendum ac disponendum presentis decreti auctoritate
l.12 committimus, rogantes atque precipientes ut Belli Loci monasterium omnino deinceps, tanquam Cluniacensis cenobii
l.13 membrum, sollicite regas, et abbatem illic de Cluniacensi semper congregatione constituas, quatenus, auxiliante Domino,
l.14 per vestram sollicitudinem, vigor illic regularis disciplinȩ restauretur et conservetur. Data Tolose, X kalendas junii.

JAFFE-LOEWENFELD, n° 5648.

MIGNE (abbé Jacques-Paul), Patrologia Latina 151 (Urbanus II), Paris 1858, col. 468, n° 198.

BERNARD (Auguste), BRUEL (Alexandre), Recueil des chartes de l'abbaye de Cluny, Paris : Imprimerie Nationale, 1876-1896, 6 vol., t. 5, p. 55, n° 3708.