Guillaume VIII, duc d'Aquitaine, donne au monastère de Montierneuf de Poitiers, la villa Garriga, un manse situé à Petescus et le bourg de Lolaio.

l.1 Notum sit omnibus Christi fidelibus presentibus et futuris quod ego Gauzfredus, Dei gratia dux et princeps Aquitanorum, dono domino Deo et sanctȩ
l.2 MARIAE Dei genitrici et virgini sanctoque Johanni euvangelistae ad Novum Monasterium, quod a me in honore ipsorum constructum est
l.3 in Pictavensi suburbio, talem villam quȩ vocatur Garriga, cum omnibus suis appendiciis, sola decima et sepultura excepta,
l.4 quȩ pendet ad Ingeriacense monasterium Sancti Johannis Baptistae; alias ad eandem villam pertinuit et pertinet, quicquid est
l.5 vel arabilis terrȩ, vel vinearum, vel silvarum, vel pratorum : infra hos terminos, quibus ab una parte cingitur cum terra sancti Johannis Bap-
l.6-tistae, ab alia parte cum terra de Lolaio, a tercio latere cum terra de Veza. Sane, ut premissum est, quicquid tenetur infra hos ter-
l.7-minos hoc totum dono solidum et quietum ad prefatum monasterium, ut monachi qui ibidem Deo sunt servituri, perpetuo
l.8 jure habeant et possideant. Preterea eadem conditione dono unum mansum in loco qui dicitur Petescus, iterum cum omnibus suis ap-
l.9-pendiciis et maxime cum pratis et silvis; item eadem conditione dono burgum de Lolaio, sicut fossa clauditur, sola aecclesia
l.10 excepta. Dono, inquam, eo tenore, ut nullus mortalium quicquam ibi potestatis habeat, preter soli monachi. Si quis autem
l.11 hanc donationem meam temerario ausu infringere temptaverit, convictus de injusticia, III libras ad fiscum comitis
l.12 omnino persolvat.