Guillaume VIII, duc d'Aquitaine, donne à l'abbaye de Cluny le monastère de Montierneuf de Poitiers auquel il accorde l'immunité.

l.1 IN NOMINE DOMINI DEI ET SALVATORIS NOSTRI JHESU CHRISTI, Wuillelmus, dux Aquitanorum seu Guasconum. Si erga loca divinis cultibus mancipata,
l.2 propter amorem Dei ejusque in eisdem sibi famulantes beneficia oportuna largimur, prȩmium nobis apud Dominum ȩternȩ remunerationis rependi non diffidimus.
l.3 Idcirco noverit omnium fidelium nostrorum tam prȩsentium quam et futurorum sollercia, quia nos HUGONEM venerabilem abbatem ex monasterio Sanctorum
l.4 apostolorum PETRI et PAULI Cluniacensis, ubi eorum memoria digne recolitur, unacum congregatione ibidem Deo famulante, necnon successoribus eorum concedo
l.5 monasterium quod facio ȩdificare juxta civitatis sedem Pictavis, cum ipsis constructuris quas ad prȩsens licitum michi non est disserere; sed Dei auxilio
l.6 gubernante, futuro abveniente temporis spatio, oportunȩ vel decenter concessurum me affirmo. Et cum expleverim omnia ita ut abbas et congregatio regula-
l.7-riter et honeste vivere possint, supradictus abbas Hugo regulariter secundum prȩceptum Domini et sancti BENEDICTI abbatem ordinet cum monachorum katervis ob redemptio-
l.8-nem animȩ meȩ et parentum meorum omniumque fidelium. Quapropter volumus et per hoc nostrȩ auctoritatis prȩceptum decernimus atque jubemus, ut nullus
l.9 judex publicus vel quilibet ex judiciaria potestate in ȩcclesias aut loca vel agros seu reliquas possessiones memorati monasterii, quas moderno tempore infra
l.10 dictionem imperii nostri juste et rationabiliter possidet, vel quȩ deinceps in jure ipsius monasterii voluerit divina pietas augeri, ad causas audiendas, vel freda aut
l.11 tributa exigenda, aut paratas faciendas, vel mansiones aut fidejussores tollendos, aut homines ejusdem monasterii tam ingenuos quam servos super terram ipsius
l.12 commanentes distringendos, nec ulla redibitiones aut illicitas occasiones requirendas nostris et futuris temporibus ingredi audeat; vel ea quȩ supra commemorata
l.13 sunt pȩnitus exigere presumat, sed liceat memorati abbati suisque successoribus res prȩdicti monasterii sub emunitatis nostrȩ defensione quieto ordine possidere, et
l.14 quicquid exinde fiscus sperare poterit tutum, nos pro ȩterna remuneratione prȩfato monasterio concedimus, ut in alimonia pauperum et stipendia monachorum
l.15 ibidem Deo famulantium proficiat perhennibus in augmentis. Haec vero auctoritas emunitatis nostrȩ ut per diuturna tempora inviolabilem atque
l.16 inconvulsam obtineat firmitatem, et ut a fidelibus sanctȩ Dei ecclesiȩ et nostris verius cerciusque credatur et diligentius conservetur, manu propria firmavimus.
l.17 ANNO MILLESIMO LXXmoVIto, prȩsidente domno Gregorio Romanȩ sedis papa, regnante Philippo rege Francorum. Insuper ego W[illelmus] dux, dono silvam
l.18 ex campis de Traient usque ad Limuel; ex alia parte de Valent usque ad Uhisel; et in alio loco totam silvam de Boet, sicut eam aqua dividit, et ipsam aquam.
l.19 Hanc ergo terram percalcaverunt milites: Willelmus Bastart, Vivianus de Mummorlun, Barduns de Beneun et ceteri quamplures; molendinos quoque
l.20 cum stagno aquȩ, excepto decimam quȩ est sancti Nicholai, Espaut de Musteoro, qui est ultra aquam super viam de Cursai.
l.21 Signum W[illelmi] ducis Aquitanorum, qui hoc privilegium jussit fieri [croix]. Signum Joscelini archiepiscopi Burdegalensis. Signum Bosoni episcopi Sanctonensis. Signum Isemberti episcopi Pictavensis. Signum Aymerici vicecomitis Tuarcensis.
l.22 Signum Savarici fratris ejus. Signum Radulfi. Signum Isemberti Castello Allionis. Signum Gaufridi de Talniaco. Signum Gelduini de Talniaco. Signum Hugonis Leziniaco. Signum Ugonis de Surgeres. Signum Willelmi Bastart.
l.23 Signum Petri de Brider. Signum Wuidonis de Nevert. Signum Normanni de Munt Revel. Signum Arnaldi de Montoser.

Gallia Christiana in provincias ecclesiasticas distributa, Paris, 1715-1785 et 1856-1865, 16 vol., t. 2, Instr, col. 354.

BERNARD (Auguste), BRUEL (Alexandre), Recueil des chartes de l'abbaye de Cluny, Paris : Imprimerie Nationale, 1876-1896, 6 vol., t. 4, p. 610-612, n° 3495.

VILLARD (F.), Recueil de documents relatifs à l'abbaye de Montierneuf de Poitiers (1076-1319), Poitiers, 1973 (Archives historiques du Poitou), p. 3, n° 2.