Roger II, comte de Foix, et son épouse Sicardis donnent à l'abbaye de Cluny le castrum de Lordat, plusieurs villae et églises et d'autres biens situés dans la vallée Savartensi, dans le comté de Toulouse.

l.1 IN NOMINE SANCTȨ ET INDIVIDUȨ TRINITATIS, ego Rogerius, comes, et uxor mea Sicardis, cognoscentes peccatorum nostrorum enormitatem simulque futuri seculi pȩnas non ignorantes, sollicite
l.2 et anxie, preveniente gratia illius qui neminem perire, sed omnes vult salvos fieri, cogitare et perpendere cȩpimus si quomodo de nostrorum remissione facinorum quantulamcumque spei fiduciam aliquatenus inve-
l.3-nire vel comprehendere divina pietate valeremus. Itaque, quoniam, attestante scriptura, divitias viri animȩ ejus redemptionem posse fieri cognovimus, teste veritate quȩ dicit: Facite vobis amicos de
l.4 facultatibus vestris, ut cum defeceritis, recipiant vos in ȩterna tabernacula; quapropter ipsi Deo omnipotenti cui omnia sunt et a quo cuncta habemus, aliqua de concessis nobis ab eo rebus fideliter offerimus, quatinus
l.5 ipse qui non propter se, sed propter nos potius hȩc misericorditer consuluit, nobis in futuro judicio partem cum electis secum tribuat perhenniter regnaturis. Et quoniam post beatam MARIAM neminem nos apud illum
l.6 melius adjuvare posse credimus, quam beatum apostolorum principem PETRUM, sive etiam vas electionis sanctissimum coapostolum ejus PAULUM, quibus potestatem ligandi et solvendi in cȩlo et in terra contraditam novimus, ipsas res quas offerimus
l.7 ipsi, sicut suprascriptum est, Deo omnipotenti et jamdictis apostolis Petro et Paulo ad locum Cluniacum jure perpetuo possidenda sollempniter contradimus. Sunt autem ȩedem res in comitatu Tolosano, in valle Savartensi, quas etiam nomi-
l.8-natim sicut sunt per loca singula necessario in hac donationis nostrȩ carta exprimendas censuimus. Igitur in primis, sicut jam diximus, donamus Deo et sanctis apostolis ejus Petro et Paulo castrum Lurdad, cum castellanis suis ad locum Cluniacum
l.9 cui domnus abbas Hugo preest, tam ipsi quam successoribus ejus omnibus, quicquid habemus vel nos vel alii aliqui per nostram manum, infra terminos istos, a Stampa videlicet usque Martemara, sive a Tava usque Bel, necnon et ab Alvers
l.10 usque Surzen sive etiam usque Stampa, exceptis ȩcclesiis Sancti Volusiani de Burbre et de Unac cuncta quȩ infra adjacentias istas, sicut diximus, vel nos habemus,
l.11 vel alii per nos tenent, scilicet castrum Lurdad, cum castellanis suis, villamque de Arsaz, cum ȩcclesia quȩ in eadem villa in honore sancti Saturnini necnon et sanctorum martirum Juliani et Basilissȩ estat consecrata; sed et villam
l.12 Apinum simili modo donamus, et villam Succunacum et villam de Casaz, et villam de Vernaus, et villam de Podio cum ȩcclesia sua, necnon et villam Garanun, simili modo cum ȩcclesia sua, et villam de Lusinac, et villam
l.13 de Unac, et villam de Vestiac et villam de Savenac et villam de Cauzun, et villam de Burbre, et villam de Werz, et villam de Alvers, et apud Fredelezum duos casales quos ego Rogerius comes comparavi, unum de
l.14 Johanne Bruniolo et alterum de Atmantio. Ista omnia et cȩtera quȩ his addendo daturi sumus, proprietatis jure in perpetuum possidenda et tenenda donamus Deo omnipotenti, sicut superius commemoravimus, et sanctȩ Mariȩ
l.15 sanctisque apostolis ejus PETRO et PAULO ad locum Cluniacum, rogantes ut ex eisdem rebus domnus Hugo abbas cum nostro adjutorio et consilio in villa Garanun monasterium incipiat in honore prelibatorum sanctorum, aditis etiam beatis
l.16 apostolis Symone et Juda, Andrea, Johanne, Jacobo, Philippo, Bartholomeo, Matheo, Thoma et altero Jacobo, atque Mathia, quatinus post Deum ab istis omnibus locus ipse tueatur, custodiatur, muniatur et gubernetur. Et sicut accepta
l.17 potestate in cȩlo et in terra ligandi et solvendi constituti sunt ad judicandum orbem, super sedes duodecim, ita omnibus qui eidem loco consilio et adjutorio fuerint, cum eis qui a dextris statuentur peroptabilem vocem: Venite,
l.18 benedicti patris mei, percipite regnum quod vobis paratum est ab origine mundi, Domino largiente, promant, et malefactoribus et calumpniatoribus, nisi penitendo et emendando satisfecerint, exsecrabilem
l.19 e contrario sententiam: Ite, maledicti, in ignem ȩternum, qui paratus est diabolo et angelis ejus, terribiliter intorqueant. De his quoque omnibus privilegium a domno papa fieri approbamus et volumus. Facta est autem hȩc descriptionis
l.20 carta hortatu et consilio domni Isarni, Tolosani pontificis, die dominica, luna IIII, in conversione beati Pauli, anno ab incarnatione Domini millesimo LXXIIII, indictione XII, tempore domni papȩ Gregorii septimi
l.21 anno II papatus ejus, regnante Philippo rege Francorum. Signum Rogerii comitis. Signum Sicardis comitissȩ. Signum Rogerii abbatis. Signum Bernardi. Signum Arnaldi Vullelmi. Signum Bernardi Atonis. Signum Atonis Arnaldi.
l.22 Signum Willelmi Ratfredi. Signum Unaldi, abbatis Mosiacensis.
l.23 Peracta jam hȩc carta, addidimus, sicut supra diximus, molendinum unum in Avezaco et Silvan Tortam subteriorem et territorium inter Silvam Tortam et Fredelez, quod vocant super Agrerium, totum et integrum sine ulla
l.24 reservatione, et medietatem de alodio de Cadasurz, et unum casalem in Asinaco. Donamus insuper pignora quȩ habemus de comite Willelmo Tolosano pro septin-
l.25-gentis solidis de denariis Tolosanis, de moneta decena, in ipso alodo quod vocatur Sonacus, quod est in pago Tolosano, et pignora similiter quȩ ego Sicardis comitissa habeo in alodio de Criun, id est decem uncias auri
l.26 fini ad pondus.