Frodmaldus de Gigny et Dalmace, son frère, donnent à l'abbaye de Cluny la villa de Circellis avec sa chapelle Saint-Pierre et un manse.

l.1 Postquam dominus ac salvator noster Jhesus Christus visitare dignatus est hunc mundum per incarnationis suȩ misterium,
l.2 ammonuit nobis per exortationem suȩ predicationis ut divitias nostras collocaremus in cȩlestibus regnis, qualiter con-
l.3-sortes essemus ȩternȩ felicitatis. Ait namque: Date elemosinam et omnia munda sunt vobis; et iterum: Teshaurizate vobis
l.4 thesauros in celo, ubi nec erugo neque tinea demolitur, et ubi fures non effodiunt, nec furantur. Quapropter noverint
l.5 cuncti fideles sanctȩ Dei ȩcclesiȩ tam presentes quam advenientes, quod nos duo fratres videlicet Frodmaldus et Dalmatius de Ginniaco,
l.6 reminiscentes peccaminum nostrum, tradimus ȩcclesiȩ Sanctorum apostolorum Petri et Pauli, quȩ edificata est in loco cui nomen est
l.7 Cluniacum, pro nostrarum animarum seu parentum nostrorum remedio, villam quandam, quȩ vocatur Circellis, et est sita inter duas
l.8 vias, in qua est edificata capella in honore sancti Petri. Insuper et ego Dalmatius tribuo supradictȩ ȩcclesiȩ unum mansum
l.9 qui fuit quondam presbitero, pro quo dedit mihi Cluniaci abbas tres auri uncias. Ut hoc
l.10 in perpetuum firmiter teneatur, testium testimonio corroboramus. Signum Hugonis Cabilonensis comitis. Signum Rocleni episcopi.
l.11 Signum Petri decani de Sancto Gengulfo. Signum Hugonis filii Frodmaldi qui hanc cartam firmavit et scribere jussit.
l.12 Si quis ex nostris heredibus vel malorum hominum aliqua persona hoc donum infringere voluerit, jaculo feriatur perpetuȩ mortis.