Madelwinus, évêque de Nevers, le comte Guillaume I^er et alii donnent à l'abbaye de Cluny l'église Saint-Étienne de Nevers avec toutes ses dépendances.

l.1 Postquam Dominus ac redemptor noster, devicto mortis principe, illo unde descenderat reddiit, post apostolorum ejus gloriosa certamina, post innumerabilium
l.2 martirum agones et ab eo percepta premia, gratia et misericordia illius per diversas regiones extiterunt sancti viri, qui ejus preventi gratia, spreto mundo et calcatis viciis diaboli,
l.3 crucem suam ferendo ejus magisterio se subdiderunt et jugo leni; ex quibus pater Columbanus, de Ybernia nobili prosapia ortus, pro amore ejus ad Gallias transitum fa-
l.4-ciens, multorum cȩnobiorum ibidem fundator extitit devotus, tempore Theoderici, regis Francorum, qui eundem patrem de regno suo eiciens, ad multorum salutem
l.5 Italiam ire conpulit. Ex quibus in suburbio Nevernis urbis unum extitit in honore beate MARIAE semper virginis et sancti Stephani protomartyris Christi, quod valde
l.6 religiosum fuisset et clarum adhuc multis patet indiciis, cujus ruina cum per multorum curricula annorum in miserata maneret, nos peccatores et indigni Malguinus,
l.7 Nevernensis episcopus, et comes ejusdem urbis Wilelmus, et Hugo ipsius aecclesiae Nevernensis decanus, adjunctis nobis Hugone vicecomite et fratre ejus Leone, cum Gauzberto
l.8 milite, premissa horum omnium omnibus auctoritate et dono Geraldi clerici jam aliis canonicis defunctis adhuc eidem loco presidenti, ceteris etiam clericis laudantibus, qui jam ex parte
l.9 manum miserant ut se eidem loco adtitularent, donamus et stabili firmitate concedimus eandem aecclesiam et omnia quae pertinent ad eam domino Deo et sanctis apostolis ejus
l.10 Petro et Paulo, ad locum CLUNIACUM, ubi domnus Hugo abbas preesse videtur, et dimittimus omnes malas consuetudines quas ibi abuimus, et ita liberum et absolutum reddimus,
l.11 ut ab odierna die et deinceps nullus mortalium ibi aliquid requirat, nisi Deus et sancti apostoli ejus Petrus et Paulus, et locus Cluniacus, et abbates et monachi qui
l.12 ibi Deo servierint. Si quis autem, quod fieri non credimus, contra hanc nostrae donationis cartam in aliquo secus egerit, nisi resipuerit, in primis iram domini Dei incurrat,
l.13 sancti quoque apostoli ejus Petrus et Paulus, quibus potestatem dedit ligandi et solvendi in caelo et in terra, ei januam vitȩ claudant. Qui autem conservator extiterit. absolu-
l.14-tionem suorum peccatorum ab eisdem apostolis consequi mereatur. Et ut haec carta firma et stabilis maneat, manibus nostris confirmavimus, et testibus roborandam tradidimus.
l.15 Signum Malguini Nevernensis episcopi. Signum Geraldi canonici. Signum Wilelmi comitis et filiorum ejus Rainaldi et Wilelmi. Signum Hugonis decani. Signum Hugoni vicecomitis et Leonis fratris ejus. Signum Gauzberti militis.
l.16 Facta est autem haec carta anno millesimo sexagesimo octavo ab incarnatione domini nostri Jhesu Christi, epacta VIta, indictione undecima.