Paris, BNF, coll. de Bourgogne t. 78 n° 119

<< < / > >>

Numéro1691

Fiabilité de l'actenon suspecté

Genrecharte

Date08/1065(fiabilité :édition)

LieuPont-Saint-Esprit(lat :in cenobio Sancti Saturnini)

DiocèseMâcon

RégionBourgogne

Supportparchemin

Chirographienon

Sceau non scellé

Etat de la traditionoriginal

Hauteur à gauche430   mm

Largeur en haut645   mm

Largeur en bas640   mm

AuteurRaimond de Saint-Gilles, comte  de  ROUERGUE - NIMES - NARBONNE

BénéficiaireAbbaye  de  CLUNY

Regeste

Raimond, comte de Saint-Gilles, donne à l'abbaye de Cluny l'abbaye de Goudargues située dans le pagus d'Uzès.

Fac-similé

Texte

l.1 [chrisme] Praecedentium patrum assertio docet et legalis institucio regalium praeceptionum jubet, ut omnis homo cujuscumque dignitatis seu cujuslibet conditionis, qui quaslibet donationes seu venditiones
l.2 sive commutaciones agere temptaverit, non solum nudis verbis id agat, sed literali pagina voluntatis suȩ secreta insigniri faciat, testiumque roboratione confirmari jubeat, quatenus per succedentia curricula tem-
l.3-porum perpetuum obtineant firmamentum, et contra obloquentium garrulitatem veritatis teneant fundamentum. Igitur enim summopere providendum est, quamdiu in hoc laborioso certamine
l.4 hujus vanissimi seculi laboramur et peregrinamur, et quamdiu acceptabile tempus atque dies salutis nobis instare videntur, tesaurizemus enim tesauros in cȩlo, ubi nec erugo neque tinea demoliuntur neque fures effurantur.
l.5 Debemus igitur sacre scripturae obedire aliquando quȩ ait: Date elemosinam et ecce omnia munda sunt vobis, quia sicut aqua extinguit ignem, ita elemosina extinguit peccatum. Enimvero studeamus agere
l.6 si qua bona valemus, omni dilatione postposita, operari non pigritemus. Faciamus nostros debitores eos quos veraciter novimus et in presentiarum corporum saluti consulere, et in futuro animarum judices esse mi-
l.7-nime dubitamus. Scimus enim quia post mortem nil boni facere possumus, ideoque summopere studendum est, ut cum omni hilaritate lucrum faciamus animabus nostris, antequam ad illud subtile et
l.8 incomprȩhensibile ducamur examen, occulto judici satisfaciendo placatum habere possimus, et quȩ neglegenter a nobis sunt graviter commissa, fructu pȩnitentiae seu rerum presentiarum redimitione, dum
l.9 in istius aevi brevitate moramur, qualitercumque possumus, tergere non desistamus. Legum jure sancxit auctoritas et antiqua consuetudo, ut qualiscumque homo de rebus suis juris propriȩ, si regum regi
l.10 aut sanctis ejus in elemosina, pro remedium animȩ suȩ vel parentum suorum, dare voluerit, plenissimam habeat libertatem ad faciendum. Quamobrem ego RAIMUNDUS comes considerans enormi-
l.11-tatem scelerum meorum seu patris vel matris meȩ, et ut nobis Dominus in illo die examinis tremendi judicii sit clemens, pius et misericors, trado domino Deo et sanctis ejus apostolis, videlicet Petro et Paulo, pro redemp-
l.12-tione animȩ meȩ seu genitorum meorum, videlicet patris et matris, fratris quoque et sororis, omniumque propinquorum meorum tam preteritorum quam presentium et futurorum, Gordiniacensem abbatiam, cum om-
l.13-nibus appendiciis suis, quas nunc usque adquisivit et inantea adquirere poterit; totum ab integro trado domino Deo et sanctis ejus apostolis Petro et Paulo, ad locum Cluniacum, ubi domnus Hugo abbas magis prodesse
l.14 quam preesse videtur, sine ulla dilatione, in perpetuum trado, non coactus neque cupiti precii adtractus, sed spontaneus et summa Dei inspiratione et propria voluntate hȩc ago. Cluniacum denique monasterium hujus
l.15 facti delego atque constituo preceptorem et vicarium, quatinus ab hac die et deinceps domnus Hugo abba, qui predicti cȩnobii gubernacula pio moderamine nunc, Deo annuente, administrat, cunctique ejus successores hanc
l.16 potestatem omnibus diebus regant, ordinent, atque, ut sibi melius visum fuerit, secundum Deum et secundum regulam sancti Benedicti, ita disponant; sit etiam semper sub tutamine et sub regimine prepositi Sancti Saturnini.
l.17 Omnes enim consuetudines quas antecessores mei hucusque in ea abuerunt, quibuscumque modis fuissent et ego usque modo habui, utrum fuissent justȩ an injustȩ, omnes ab odierna die eas relinquo domino Deo et ejus genitrici,
l.18 et sanctis ejus apostolis Petro et Paulo, preter dominicaturas meas proprias, quas mihi retineo. Est enim supradictus locus in honore Dei et in veneratione beate et gloriose semper virginis Mariae, et est situs in pago Uzetico. Ego Raimudus
l.19 comes cum omni integritate domino Deo, ut sepe jam dixi, dono, donatumque in perpetuum esse volo, pro remedio animȩ meȩ, necnon et pro anima patris mei et matris meȩ, et omnium propinquorum meorum, insuper pro salute vivorum et requie om-
l.20-nium defunctorum, cum omnibus suis apenditiis, cum ecclesiis, villis, campis, pratis, vineis, silvis, aquis aquarumque decursibus, molendinis, domibus, edificiis cum omni supraposito mobili et inmobilii, exitibus et regressibus, cultis et incultis, quȩsita
l.21 etiam et inquirenda quȩ fuerint, imperpetuum firmiter solideque teneant et possideant, cum omni libertate, absque ulla consuetudine nullius persone. Si quis vero, quod futurum esse minime credo, ego ipse quod absit aut aliquis con-
l.22-sanguineus meus, in suos usus transferre conatus fuerit, primitus iram Dei omnipotentis, cujus res temerario presumpserit ausu, vinculo etiam terribilis anathematis innodetur, et nisi resipuerit, cum Juda, Christi proditore, perpetuo dampnandus
l.23 consocietur, parsque ejus fiat cum Datan et Abiron quos terra vivos absorbuit et cum his qui dixerunt domino Deo : Recede a nobis; omne quoque tempus vitȩ suȩ sub maledictione transeat: sit maledictus in civitate, maledictus in
l.24 via, maledictus in agro, maledictus in aqua; maledictȩ sint reliquiȩ ejus, maledictus sit fructus ventris ejus, fructusque terrȩ ejus; maledictus erit ingrediens et maledictus regrediens; mittat Dominus super eum famem et
l.25 esuriem in omni tempore, donec conterat eum et perdat velociter, propter temeritatem qua contra Deum se erexit res ei dicatas invadendo; percutiat eum Dominus egestate, febri et frigore, ardore, estu et aere corrupto; corruat coram inimicis suis, et ca-
l.26-daver ejus sit in esca volatilibus cȩli et bestiis terre; percutiat eum Dominus ulcere pessimo, contra quem ausus est garrire, scabie et prurigine a planta pedis usque ad verticem; omni tempore sit calumpniam sustinens, et opprimatur violentia, nec sit qui eum liberet:
l.27 omnesque ejus complices et qui ei in hac factione assensum prebuerint, in ejusdem dampnatione consocientur, et omnes maledictiones quȩ in scripturis sanctis continentur descendant super capita eorum, et dispereant in ȩternum, amen, amen, fiat, fiat, nisi ad emenda-
l.28-tionem venerint. Ego denique RAIMUNDUS comes invoco sanctam Dei genitricem Mariam, et XII apostolos domini nostri Jhesu Christi, Petrum, Paulum, Andream, Jacobum, Johannem, Tomam, Jacobum, Philippum, Bartholomeum, Matheum, Symonem, Tadeum, in auxilium et confirmationem hujus donationis,
l.29 ut si quis presumptor eam aliquando violare presumpserit, ipsi sancti apostoli et omnes sancti sint illi contrarii in hora mortis ejus et ante tribunal etȩrni judicis. Signum RAIMUNDI comitis. Signum Willelmi Sabran. Signum Rostagni Carmiian.
l.30 Facta est hȩc carta anno ab incarnatione domini nostri Jhesu Christi millesimo LXV, inditione III, mensse augusto, regnante Philippo rege magno Francorum. Scripta in cenobio Sancti Saturnini, a Willelmo monacho, sacerdote indigno atque Teutonico, imperante Raimundo comite.

Bibliographie

BERNARD (Auguste), BRUEL (Alexandre), Recueil des chartes de l'abbaye de Cluny, Paris : Imprimerie Nationale, 1876-1896, 6 vol., t. 4, p. 507-510, n° 3404.

POLY (Jean-Pierre), Catalogue des actes des comtes de Provence, 942-1166, annexe de thèse soutenue à l'Université de Paris II – Assas, s.d. , p. 88-89, n° 176.

Responsable

M.-J. Gasse

Comment citer cette notice

Acte n°1691 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°1691»[En ligne] http://www.cn-telma.fr/originaux/charte1691/. Date de mise à jour : 29/03/12.