Alexandre II, pape, confirme les privilèges et les possessions de l'abbaye de Cluny.

l.1 [chrisme] ALEXANDER, EPISCOPUS, SERVUS SERVORUM DEI,
l.2 dilectissimo filio HUGONI, abbati monasterii, quod dicitur Cluniachum, in honore beatorum apostolorum Petri et Pauli consecratum, in comitatu Matisconensi situm, et per te cunctis successoribus
l.3 tuis abbatibus in perpetuum. Cum omnium fidelium petitionibus et necessitatibus subvenire debeat apostolicȩ caritatis gratia, multo magis his est impertienda ejus beneficii clementia
l.4 quos singulariter proprios, et specialiter filios se gaudet habere sancta Romana mater ecclesia, et suae utilitatis gratia, et precedentium patrum auctoritate egregia. Quorum etiam
l.5 desideriis et votis eo plenius parere debet auctoritas apostolicȩ sublimitatis quo certius constat eos non nisi illa desiderare et expetere quȩ sunt ad honestatem sanctae pietatis et utilitatem
l.6 vere religionis. Et quotiens in suae necessitatis commodis nostrum assensum et solitȩ apostolicȩ auctoritatis studuerint humiliter requirere presidium, ultro benignitatis intuitu nos convenit sub-
l.7-venire et rite pro integra securitate solidare, ut ex hoc nobis quoque potissimum premium a conditore omnium, Deo in sydereis arcibus conscribatur. Et ideo quia postulastis a nobis ut prefatum
l.8 monasterium apostolicȩ auctoritatis serie muniremus, et omnia ejus pertinentia perhenni jure ibidem inviolabiliter permanendo confirmaremus et absque omni jugo seu dicione cujuscumque personae, constabilire nostri privi-
l.9-legii pagina studeremus, propterea tuis flexus precibus, per hujus nostrȩ auctoritatis privilegium statuentes decernimus ut cuncta loca et monasteria, ad supradictum Cluniense cenobium pertinentia
l.10 quae ab aliquibus fidelissimis Christianis, regibus, episcopis, ducibus seu princibus eidem loco sunt concessa et ab antecessoribus tuis abbatibus adquisita, Bernone videlicet, Oddone, Eymardo, et beate recorda-
l.11-tionis sancto Maiolo, et bonȩ memoriae Odilone precessore tuo, vel quȩcumque ad eundem locum pertinere videntur, absque ullius contradictione, cum magna securitate quietus debeas possidere; et per te, universi
l.12 successores tui in perpetuum. Necnon sub divini judicii promulgatione et confirmatione, et anathematis interdictione, corroborantes decernimus ut nullus episcopus, seu quilibet sacerdotum in eodem veniat cenobio, pro aliqua
l.13 ordinatione sive consecratione ecclesiae, presbyterorum vel diaconorum, missarumque celebratione, nisi ab abbate ejusdem loci invitatus fuerit, venire ad agendum presumat. Sed liceat monachis ipsius loci, cujuscumque voluerint
l.14 ordinationis gradum suscipere, ubicumque tibi tuisque successoribus placuerit. Interdicimus autem sub simili anathematis promulgatione ut isdem locus sub nullius cujuscumque episcopi, vel sacerdotis, deprimatur interdictionis titulo
l.15 seu excommunicationis vel anathematis vinculo. Non enim patitur sanctae sedis apostolicȩ auctoritas ut ullius cujuscumque personae obligatione proscindatur a se cuilibet concessa liberalis libertas; neque ipsius loci
l.16 fratres ubicumque positi, cujuscumque episcopi maledictionis vel excommunicationis vinculo teneantur adstricti. Inhonestum enim nobis videtur ut sine nostro judicio a quoquam anathematizetur sanctae sedis apostolicȩ filius, veluti cujuscumque subjec-
l.17-tȩ ecclesiae discipulus. Si qua vero competens ratio adversus eos quemquam moverit, et hoc aliter determinari vel diffiniri nequiverit, judicium apostolicum, quod nulli prejudicium pretendere patitur, super hoc patienter prestoletur
l.18 et humiliter requiratur. Decernimus etiam et illius cujus vice, quamvis indigni, fungimur, auctoritate sanccimus, ut isdem locus omnibus ad se ob salutem confugientibus sit misericordiae sinus, sit totius pietatis et salutis portus.
l.19 Obtineat in eo locum justus, nec repellatur poenitere volens iniquus. Prebeatur innocentibus caritas mutuae fraternitatis, nec negetur offensis spes salutis et indulgentia pietatis. Et si aliquis eun-
l.20-dem locum expetierit suae utilitatis et salutis gratia, minime a venia et obtata misericordia excludatur, sed oleo medicamenti salutaris fovendus benigniter colligatur, quia et justum sic est ut in domo pietatis et justo prebeatur dilec-
l.21-tio sanctae fraternitatis, et ad veniam confugienti peccatori non negetur medicamentum indulgentiae et salutis. Sit autem omnibus ibi advenientibus causa salutis, hic et in perpetuum divinȩ miserationis et pietatis
l.22 refugium et apostolicȩ benedictionis et absolutionis presidium. Decernimus preterea et omnino constituimus ut, predicti loci obeunte abbate, non ibi alius cujuscumque personae violentia constituatur ordi-
l.23-nandus, sed ab ipsa congregatione loci, secundum timorem Dei et institutionem legislatoris Benedicti, pater qui sibi preesse debeat eligatur, atque ad eum ordinandum, qualiscumque illis placuerit episcopus
l.24 advocetur. Quascumque vero terras nunc tenes, et quas tu tuisque successores adquirere potueritis, in perpetuum possidendas concedimus vobis. Si quis autem temerario ausu, quod fieri non cre-
l.25-dimus, contra hujus nostrȩ apostolicȩ confirmationis seriem venire aut agere temptaverit, sciat se Domini nostri et apostolorum principis Petri anathematis vinculo innodandum, et cum diabolo ejusque atro-
l.26-cissimis pompis, atque cum Juda traditore Domini et salvatoris nostri Jhesu Christi in ȩternum ignem concremandum, simulque in voraginem tartareosque chaos demersum cum impiis deficiendum.
l.27 Qui vero custos et observator hujus nostri privilegii extiterit, benedictionis gratiam et vitam ȩternam a Domino consequatur.
l.28 [rota] [benevalete].
l.29 [chrisme] Datum in sacro Lateranensi palatio, VI idus magi, per manus Petri sanctȩ Romanȩ ecclesiȩ subdiaconi et cancellari vice domni ANONIS Coloniensis archiepiscopi anno secundo domni ALEXANDRI II papȩ, ab incarnatione domni nostri Jhesu Christi millesimo sexagesimo III, indictione prima.

JAFFE-LOEWENFELD, n° 4513.

MIGNE (abbé Jacques-Paul), Patrologia Latina 146 (Adamus Bremensis, Lambertus Hersfeldensis), Paris 1853, col. 1293-1295, n° 14.

BERNARD (Auguste), BRUEL (Alexandre), Recueil des chartes de l'abbaye de Cluny, Paris : Imprimerie Nationale, 1876-1896, 6 vol., t. 4, p. 492, n° 3389 (indication).