Renaud I^er, comte d'Auxerre et de Nevers, donne à l'abbaye de Cluny la cour Belmontis et Gerrannis, situés dans le pagus de Nevers.

l.1 Auctor et largitor totius nostrȩ salutis perspiciens in labili vitȩ presentis discursu inevitabiles humane infirmitatis excessus, contra multi-
l.2-formia et loetalia peccatorum vulnera opponere voluit multiplicia et salubria divinorum preceptorum medicamina;
l.3 videlicet ut et rebus transitoriis ad sustentationem nostrȩ fragilitatis nobis ab ipso concessis faciamus nobis amicos qui
l.4 nos recipiant infra gaudia aeternȩ felicitatis. Quod ego Rainaldus, gratia Dei comes, animo perpendens et enor-
l.5-mitatem meorum peccaminum futurumque Dei judicium bonorum ac malorum vehementer perorrescens, et non solum pro me
l.6 set etiam pro anima patris mei sollicitus, dono Deo et sanctis ejus apostolis Petro et Paulo, ad locum Cluniacum, aliquid de mea hereditate quȩ
l.7 sita est in pago Nevernense. Haec est curtis quȩ vulgo vocitatur Belmontis, cum omnibus ad se pertinentibus, videlicet villis, terris
l.8 cultis et incultis, aedificiis, vineis, pratis, campis, silvis, aquis aquarumque decursibus, exitibus et regressibus; et loco qui vocatur
l.9 Gerrannis cum omnibus se aspicientibus. Facio autem hanc donationem pro remedio animȩ meȩ et anima patris mei Landrici et
l.10 matris meȩ Matildis et uxoris meȩ Advisȩ et filiorum meorum et fidelium meorum qui presentes sunt, videlicet fratris mei Widonis et
l.11 Rodberti et Walterii, Gibaldi, Habonis, Iterii, Hugonis, Ricchardi, Girosi et omnium parentum et fidelium meorum, qui presentes sunt et absentes,
l.12 et hujus meȩ donationis consiliatores et laudatores. Si quis autem contra hanc donationem calumpniam, quod absit, inferre presumpserit, primum
l.13 quidem Dei omnipotentis iram incurrat, hac demum judiciaria potestate convictus, in fisco publico auri libras XXti conponat. Hȩc vero
l.14 carta postmodum firma permaneat. SIGNUM RAINALDI comitis et uxoris ejus Advisȩ hac filii eorum Wilelmi, qui hanc cartam
l.15 et donationem fecerunt et manibus propriis subter firmaverunt. Signum Walterii.
l.16 Signum Umbaldi. Signum Arberti clerici.
l.17 Signum Gibaldi. Signum Abonis. Signum Iterii. Signum Ugonis. Signum Richardi. Signum Girosi.