Paris, BNF, coll. de Bourgogne t. 77 n° 74

<< < / > >>

Numéro1636

Fiabilité de l'actenon suspecté

Genrecharte

Date03/999(fiabilité :édition)

LieuTaluyers(lat :Taluzatis villa public?)

DiocèseMâcon

RégionBourgogne

Supportparchemin

Chirographienon

Sceau non scellé

Etat de la traditionoriginal

Hauteur à gauche640   mm

Hauteur à droite635   mm

Largeur en haut280   mm

Largeur en bas275   mm

AuteurBlismodis

BénéficiaireAbbaye  de  CLUNY

Regeste

Blismodis donne à l'abbaye de Cluny l'église Sainte-Marie de Taluyers située dans le pagus de Lyon, avec ses dépendances.

Fac-similé

Texte

l.1 Christo cunctorum clementissimo auctori dignȩ deservire desiderantium, ejusque vivifico nomine
l.2 fruentium, utriusque sexus hominum talis sollicitudo et diuturna sinceraque debet esse inten-
l.3-tio, quatenus loca ipsius nomini dedicata, benigno affectu incolere atque suis donariis
l.4 decentissimo honore studeant exornare; scientes procul dubio recepturos se a Christo domino in prȩ-
l.5-senti tempore prosperitatem transeuntis vitȩ, atque demum in futuro perpetuitatis seculo ȩternam se adep-
l.6-turos beatitudinem felicis vitȩ, si ei in hac mortalitatis vita, quȩ sine delictis agi nequa-
l.7-quam potest, indubitanti animo strenuaque fide et benigna actione studuerint
l.8 placere. Igitur haec ita esse perpendens atque fideli animo ea quȩ Domino placere valeant
l.9 agere desiderans, ego, in Dei nomine, Blismodis, nobilissima femina, enormitatem
l.10 peccaminum meorum considerans, atque pro his Domino satisfacere omnino concupiscens,
l.11 dono Deo et sanctis apostolis ejus PETRO et PAULO, et Cluniensi coenobio, cui preest domnus
l.12 Odilo, venerandus abba, aecclesiam sitam in pago Lugdunensi, quȩ est constructa
l.13 in honore sanctae Dei genitricis Mariae et sanctae Maxime, in villa que vocatur
l.14 Taluzatis, et quicquid ad ipsam ȩcclesiam aspicit vel aspicere videtur; totum
l.15 ad integrum eis concedo. In ipsa quoque villa mansum indominicatum unum ubi Arulfus
l.16 stat, et quantum manso ipsi pertinere videtur. Dono etiam eis unam vineam in jam-
l.17-dicta villa, medietatemque de silvis que ad supradictam villa aspitiunt.
l.18 Haec omnia suprascripta dono Deo et sanctis apostolis ejus Petro et Paulo et Cluniensi
l.19 coenobio, ut ab hodierna die et deinceps sine ullo contradicente rectores ejusdem
l.20 loci teneant et possideant, et quod facere voluerint faciant. Dono etiam eis
l.21 ab hodierna die duo mancipia his nominibus: Vuandalfredum et Letardum.
l.22 Dono etiam jamdicto loco quendam mansum post meum obitum, quem vocant
l.23 Trucium, cum omnibus quȩ ad ipsum mansum aspitiunt vel aspicere videntur, et faciant
l.24 supradicti monachi post meum obitum quod voluerint aevo perpetuo.
l.25 Dono etiam ad supradictum locum, post meum obitum et post obitum senioris mei
l.26 Albuini et post exitum filii nostri Albuini ab hoc seculo, supradictam villam
l.27 Taluzatem cum omnibus que inibi teneo vel possideo, campis scilicet, pratis,
l.28 vineis, silvis, et mansum de Vacaritias cum omnibus ad ipsum mansum pertinentibus,
l.29 villamque quam vocant Sortiacum cum omnibus que inibi teneo vel possideo, vel que
l.30 dare possum. Hanc igitur donationis cartam dono pro remedio animȩ
l.31 meae et genitoris genetricisque meae et pro animabus Adalardi et Haectoris et Go-
l.32-tiscalchi pontificum, pro anima quoque senioris mei Albuini et filii nostri Albuini
l.33 et pro animabus omnium parentum meorum, tam vivorum quam defunctorum, et pro animabus
l.34 omnium christianorum ut omnibus nobis in commune profitiat. Si quis vero, quod
l.35 minime credo, contra hanc donationem a me libentissime factam, aliquam litem
l.36 inferre presumpserit, primitus iram Dei Patris omnipotentis incidat et beatissimȩ
l.37 Dei genetricis Mariae sanctique Petri, apostolorum principis, omniumque apostolorum, martyrum,
l.38 confessorum atque virginum, et omnium sanctorum quos continet caelum et terra, veniantque
l.39 super eum omnes maledictiones quas continet vetus et novum testamentum;
l.40 cogente autem juditiaria potestate, cui litem intulerit, auri libras centum
l.41 persolvat, et hȩc donatio firma permaneat, stipulatione subnixa.
l.42 Actum Taluzatis villa publicȩ. Signum Blismodis nobilissimȩ feminȩ qui
l.43 hanc donationem fieri firmarique jussit.
l.44 Signum Albuini. Signum item Albuini filii ejus. Signum Aynoni. Signum Raimundis.
l.45 Signum Dalmaci. Signum Artaldi. Signum Joceranni fratris ejus.
l.46 Signum Warini. Signum Silvionis.
l.47 Signum Arnaldi. Signum Aymenrici. Signum Jarentonis. Signum Arrici. SIGNUM HUGONIS.
l.48 Signum Arnulfi. Signum Aimini. Signum Ansterii. Signum Bernardi. Signum Tehotgrini.
l.49 Signum Wilelmi. Signum Adalonis. Signum Anscherici.
l.50 Data mense marcio, regnante RODULFO REGE ANNO SEXTO.
l.51 Ego frater Ebrardus levita indignus scripsi.

Bibliographie

BERNARD (Auguste), BRUEL (Alexandre), Recueil des chartes de l'abbaye de Cluny, Paris : Imprimerie Nationale, 1876-1896, 6 vol., t. 3, p. 559-561, n° 2482.

ATSMA (Hartmut) et VEZIN (Jean), Les plus anciens documents originaux de l'abbaye de Cluny, 3 vol., Turnhout, 1997-2002 (Monumenta paleographica medii aevi, series gallica), t. 3, p. 66-69, n° 73 (fac-similé, p. 67-69).

Responsable

M.-J. Gasse

Comment citer cette notice

Acte n°1636 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°1636»[En ligne] http://www.cn-telma.fr/originaux/charte1636/. Date de mise à jour : 29/03/12.