Livo donne à l'abbaye de Cluny des biens et des serfs qu'il possède à Salornay, La Roche et Bézornay, dans le pagus de Mâcon.

l.1 [croix] Omnis homo quamdiu in salo presentis vitȩ agonizat, summa vi, summoque
l.2 ingenio studere debet, ut ex rebus perituris aeterna prȩmia mercetur,
l.3 juxta prȩcursoris etenim vocem: Jam securis ad radicem arboris posita est. Unde
l.4 noverint tam presentes, quam etiam futuri Christi tyrones, quod ego Livo, recogitans
l.5 enormitatem meorum peccaminum, dono Deo et sanctis apostolis ejus Petro et Paulo et loco Cluniaco, cui
l.6 prȩest domnus Odilo abbas, aliquid ex rebus meis quȩ sunt sitȩ in pago Maticensi, in villa
l.7 Salorniaco, in agro Athanacensi: hoc est unus mansus indominicatus, ubi Walterius stat
l.8 qui est ad Puteum, et quicquid ad ipsum mansum aspicit, tam de alodo quam de conquisto, et quicquid
l.9 habeo jamdicta villa, excȩpto uno manso ubi Otbertus stat, et unum clausum de vinea in Tremuntio,
l.10 quem relinquo sancto Benedicto, et excepto uno curtilo quem relinquo sorori meȩ Emeltrudȩ; cetera
l.11 sancto Petro dono. Et dono in villa quam vocant Ad Rocam unum mansum et quicquid ad ipsum mansum aspicit
l.12 vel aspicere videtur, quȩsitum et adinquirendum, totum ad integrum, hoc sunt vineis, campis, pratis,
l.13 silvis. Facio autem hanc donationem pro animȩ meȩ remedio, et pro anima patris mei Livonis,
l.14 et pro anima matris meȩ Ledburgis, et pro animabus omnium parentum meorum. Dono etiam unum farina-
l.15-rium super fluvium Vuiȩ et servum nomine Balduinum. Dono vero etiam in villa Besorniaco mansum
l.16 indominicatum ubi Reginerius stat, et quicquid ad ipsum mansum aspicit vel aspicere videtur,
l.17 videlicet campis et vineis. Dono etiam servos et ancillas, qui in supradictis mansis habitant, in Salor-
l.18-niaco videlicet et Rocca, exceptis Goolberto et filio ejus Walterio. Dono haec omnia ut pius Dominus
l.19 de poenis inferni nos eripiat et ad guadia aeterna perducat. Si quis autem contra hanc donationem
l.20 aliquam litem inferre presumpserit, primitus iram Dei omnipotentis incurrat et beatorum apostolorum Petri et Pauli et omnium
l.21 sanctorum quorum memoria continetur in celis, veniantque super eum omnes maledictiones quas continet vetus
l.22 et novum testamentum, nisi ad emendationem venerit; cogente etiam judiciaria potestate, auri libras triginta
l.23 persolvat, et haec donatio firma sit omni tempore. Actum Salorniaco publicȩ. Signum Livonis qui fieri et fir-
l.24-mare rogavit. Signum Israel. Signum Umberti. Signum Uberti. Signum Bernardi. Signum Odilonis. Signum Odonis.
l.25 Signum Walterii. Signum Gunsilini. Signum Girbaldi. Data mense martio, regnante Rodberto
l.26 rege anno secundo. EBRARDUS LEVITA SCRIPSIT; ARNULFUS HIC RESTAURAVIT.

1

BERNARD (Auguste), BRUEL (Alexandre), Recueil des chartes de l'abbaye de Cluny, Paris : Imprimerie Nationale, 1876-1896, 6 vol., t. 3, p. 538-539, n° 2456.

ATSMA (Hartmut) et VEZIN (Jean), Les plus anciens documents originaux de l'abbaye de Cluny, 3 vol., Turnhout, 1997-2002 (Monumenta paleographica medii aevi, series gallica), t. 3, p. 29-32, n° 63 (fac-similé, p. 31-32).