Paris, BNF, coll. de Bourgogne t. 77 n° 72

<< < / > >>

Numéro1632

Fiabilité de l'actenon suspecté

Genrecharte

Date20/02/998(fiabilité :édition)

Lieunon identifié

DiocèseMâcon

RégionBourgogne

Supportparchemin

Chirographienon

Sceau non scellé

Etat de la traditionoriginal

Hauteur à gauche495   mm

Hauteur à droite530   mm

Largeur en haut470   mm

Largeur en bas485   mm

AuteurRaoul

BénéficiaireAbbaye  de  CLUNY

Regeste

Raoul fonde le monastère de Bevaix dans le comté de Vaud et le diocèse de Lausanne, le donne à l'abbaye de Cluny et le dote de nombreux biens.

Fac-similé

Texte

l.1 CUNCTORUM POTENTISSIMO CONDITORI DIGNE SERVIRE CUPIENTIBUS, EJUSQUE PROMISSIONIS HEREDITATEM ADHIPISCI DESIDERANTIBUS, OMNIBUS CHRISTICOLIS, AB EODEM SUMMO CONDITORE FORMATIS ET REFORMATIS,
l.2 talis assidua et cotidiana debet esse intentio et cura, quatenus ipsi, a quo sibi humanam et rationalem conlatam esse noverunt substantiam, subdi benigno animo, et oboedire studeant summo studio, atque eis multum est
l.3 exoptabile, non solum ut bonorum operum exsecutione ipsius evadere possint terribilem iram, sed etiam summa sollicitudine procurandum, ut, pro caritatis et justiciȩ operibus, ejusdem piissimi creatoris exoptatissimam
l.4 mereantur consequi gratiam, ejusque cohabitationis cum supernorum civium collegio digni efficiantur jocundissimam assequi laeticiam. Ego igitur, in Dei nomine, RADULFUS, audiens cotidie per sacrarum scripturarum auctoritatem,
l.5 male agentibus minari pȩnas, et juste operantibus promitti sydereas mansiones, desiderans aliquod invenire confugium, ubi possim declinare insidias meorum peccaminum, nullum tam salubre potui repperire
l.6 consilium, quam si aedificarem juxta possibilitatem meam, aliquod monasterium, monasticȩ religioni aptum, ubi cotidie Deo et sanctis ejus congruum exhiberetur servicium. Ad hoc tamen agendum et perficiendum, ad
l.7 Paterniacense monasterium venerabilis ODILONIS abbatis coenobii Cluniensis fratrumque ibi degentium ivi expetiturus auxilium. Quorum consilio confortatus, anno ab incarnatione Domini DCCCCXCVIII, quinto
l.8 videlicet anno regni RADULFI regis nobilissimi, convocavi domnum AINDRICUM, Lausonensis eclesiȩ presulem, ad dedicandum ipsum monasterium; qui ut est bonus et nobilis, benigne et nobiliter nostrum desiderium
l.9 adimplevit. Est autem ipsud monasterium supra ripam laci Everdunensis situm, in episcopatu videlicet sanctȩ eclesiȩ Lausonensis, in comitatu Vualdensi, in honore sancti PETRI apostoli dicatum. Hoc autem monasterium
l.10 dono Deo et sancto PETRO. Concedo etiam ipsi monasterio has terras: mansum Chuneberti cum omnibus suis appendiciis, situm in villa Bevacensi, mansum Giraldi, cum omnibus suis appendiciis, mansum Airoldi
l.11 cum omnibus suis appendiciis, mansum Dominici cum omnibus suis appendiciis, mansum Adalberti cum suis appendiciis, mansum Custabuli cum suis appendiciis, mansum Elini cum suis appendiciis, mansum
l.12 Petri cum suis appendiciis, mansum Odulbaldi cum suis appendiciis, mansum Martini cum suis appendiciis. Dono etiam et concedo ipsi monasterio omnia quȩ habeo et possideo a termino viae
l.13 publicȩ quȩ est juxta ipsum monasterium usque in Currivum et ab ipso rivo usque in lacum, et a termino montis sese frangentis usque in Currivum, vineam quoque, quȩ est subtus eclesiam, omnem quoque terram
l.14 quȩ ego ex hereditate parentum meorum teneo vel possideo in loco qui dicitur ad Ochas. In villa quoque quȩ dicitur Broch, dono ipsi monasterio, a termino casalium usque ad montem de Nigra Aqua, omnem terram quam ibi
l.15 video habere vel possidere, eclesiam quoque in honore sancti MARTINI, et villam quȩ dicitur Ad Domnum Martinum, dono jamdicto monasterio cum omnibus suis appendiciis. Dono etiam supradicto monas-
l.16-terio servos et ancillas his nominibus: Giraldum et Ingeltrudim uxorem ejus, cum infantibus eorum, Constantinum et Errandum cum infantibus suis, Guandalenum et uxorem ejus cum infantibus suis, Sophorinum
l.17 et uxorem ejus cum infantibus suis, Custabulum et uxorem ejus Richeldim cum infantibus suis, Airoldum et uxorem ejus cum infantibus suis, Adalbertum et matrem ejus, Aiulfum et Rainulfum et matrem eorum,
l.18 Bericonem, et Gausmarum, Oulbaldum, Petrum, item Oulbaldum et Constantinum, Bercheldim, Ansuinum, feminam Dominici Ermengardim, Gisbertum, feminam Boni Filii Ermentrudim, Belviram,
l.19 Allonem et fratrem ejus Teudinum, Dominicum, Odulricum, Ermentrudim, Aldoenum, Mainbaldum et Domnolenum et sororem eorum, Leudmannum, Landulfum, Baruzonem, Aldevaldum,
l.20 Altrannum, Martinum, omnes cum uxoribus et infantibus, ancillas quoque cum omnibus infantibus suis.
l.21 Trado quoque ipsum monasterium in ordinatione et potestate domni ODILONIS abbatis coenobii Cluniensis et successorum ejus, ut ipsi jamdictum monasterium teneant secundum regularem ordinem
l.22 et possideant, et habitationes monachorum, secundum possibilitatem, ibi constituant et habitatores ipsius loci per annos singulos sanctȩ Romanȩ eclesiȩ ad urnam beati PETRI in censum
l.23 persolvant duos solidos; ea scilicet ratione, ut si aliquis homo aut ulla opposita persona, hanc nostram donationem infringere aut evacuare voluerit, ab apostolica auctoritate anathe-
l.24-matis vinculo innodetur, usquedum per satisfactionem ipsa ejus presumptio expurgetur. Supradictum vero monasterium cum omnibus quȩ ad eundem locum concessimus, ita ut supra
l.25 ordinavimus, dono Deo et sancto PETRO pro remedio animȩ meȩ et pro remedio animarum patris et matris meȩ, conjugis et filiorum meorum et omnium parentum nostrorum defunctorum, presentium et
l.26 et futurorum, pro remedio etiam animarum seniorum meorum regum, videlicet CONRADI jam cum Christo regnantis filiique ejus RADULFI, regni nunc sceptra tenentis eorumque jugalium, pro remedio etiam domni AINDRICI
l.27 pontificis, ejusdem loci consecratoris, et pro salute omnium illorum qui adjutores extiterint. Ut haec nostra donatio firma et stabilis permaneat, volo autem ut unus ex heredibus meis, ille videlicet
l.28 quem ego elegerim ad hoc opus, sit post decessum meum hujus loci advocatus, ipsumque locum gubernet et regat secundum voluntatem domni ODILONIS abbatis successorumque ejus, et monachorum ibi
l.29 habitantium. Volo etiam, ut semper de mea progenie, per succedentia tempora, sit ipsius loci advocatus, talis videlicet, qui sciat et possit secundum voluntatem Dei, advocationem ipsius loci
l.30 ordinare ad honorem abbatis et monachorum.
l.31 Si vero, quod futurum esse non arbitror, extiterit aliquis, aut ego, aut ullus ex heredibus meis et liberis, aut ulla opposita persona aut ullus homo, qui hanc nostram
l.32 donationem contradicere velit, primitus omnipotentis Dei terribilem iram incurrat sanctȩque MARIAE et sanctorum apostolorum PETRI et PAULI omnique maledictioni veteris et novi
l.33 testamenti subjaceat, et insuper coactus [CCC] auri libras ei cui calumniam intulerit persolvat. Qui autem hanc nostram donationem confirmare voluerint, omnibus benedictionibus
l.34 Domini repleantur et cum angelorum consortibus ad aeterna gaudia perducantur.
l.35 SIGNUM RADULFI, qui hanc donationem fieri et firmare rogavit. Signum Adalberti comitis. Signum Teudini. Signum Beroardi. Signum Johannis.
l.36 Signum Beroardi.
l.37 Data X kalendas MARCII, regnante RADULFO REGE anno quinto.
l.38 Gausfredus monachus et levita scripsit et subscripsit.

Bibliographie

BERNARD (Auguste), BRUEL (Alexandre), Recueil des chartes de l'abbaye de Cluny, Paris : Imprimerie Nationale, 1876-1896, 6 vol., t. 3, p. 533-536, n° 2453.

ATSMA (Hartmut) et VEZIN (Jean), Les plus anciens documents originaux de l'abbaye de Cluny, 3 vol., Turnhout, 1997-2002 (Monumenta paleographica medii aevi, series gallica), t. 3, p. 57-61, n° 71 (fac-similé, p. 59-61).

Responsable

M.-J. Gasse

Comment citer cette notice

Acte n°1632 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°1632»[En ligne] http://www.cn-telma.fr/originaux/charte1632/. Date de mise à jour : 29/03/12.