Louis IV d'Outremer, roi des Francs, confirme à l'abbaye de Cluny, la possessions de biens donnés par Affre, comte d'Auvergne.

l.1 [chrisme] [notes_tironiennes] IN NOMINE SANCTAE ET INDIVIDUAE TRINITATIS, LUDOVUICUS, DIVINA PROPITIANTE MISERICORDIA FRANCORUM REX. SI DIVINIS CULTIBUS OPERAM
l.2 dentes, ecclesiam Dei ad summum sacrae religionis statum sustollere conamur, regio more ac progenitorum nostrorum privilegiis utimur.
l.3 Quocirca omnium sanctae Dei ecclesiae tam praesentium quam et futurorum fidelium noverit sollertia, quoniam nostram adiens
l.4 praesentiam Stefanus Arvernorum venerabilis episcopus, reverenter expetiit quatinus quasdam res quas Acfredus quondam
l.5 comes ex suȩ proprietatis jure in pago Arvernensis, ob animae suae remedium ac parentum suorum, Deo et sanctis ejus contulerat,
l.6 pro regula sancti Benedicti inibi construenda, Cluniensi monasterio ac abbati ipsius nostrae regalitatis praecepto easdem res
l.7 confirmare dignaremur; quod et fecimus. Unde hoc nostrae altitudinis decretum fieri ac Aimardo abbati praedicti
l.8 monasterii dare praecepimus, per quod praefatas res cum omni integritate quemadmodum in carta praelibati comitis
l.9 Acfredi continetur isdem abbas atque successores ejus perpetualiter nemine inquietante possideant.
l.10 Et ut hoc nostrae auctoritatis emolumentum per succedentia temporum curricula
l.11 inviolabiliter conservetur, manu propria eum subtus firmantes anuli impressione nostri
l.12 insigniri jussimus.
l.13 SIGNUM DOMNI LUDOVUICI [monogramme] GLORIOSISSIMI REGIS [sceau].
l.14 OYDILO notarius ad vicem Artaldi archiepiscopi relegit et subnotavit.
l.15 Actum Polliaco villa super Ligerim, III nonas februarii, indictione VI, anno autem XV regnante Ludovuico rege glorioso.

BERNARD (Auguste), BRUEL (Alexandre), Recueil des chartes de l'abbaye de Cluny, Paris : Imprimerie Nationale, 1876-1896, 6 vol., t. 1, p. 719-720, n° 763.

LAUER (Philippe), Recueil des actes de Louis IV, roi de France (936-954), Paris, 1914, p. 87-88, n° 37.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 8, pl. 8 (fac-similé).

ATSMA (Hartmut) et VEZIN (Jean), Les plus anciens documents originaux de l'abbaye de Cluny, 3 vol., Turnhout, 1997-2002 (Monumenta paleographica medii aevi, series gallica), t. 1, p. 106-109, n° 25 (fac-similé p. 107-109).