Lothaire, roi de Lotharingie, donne à l'abbaye Saint-Pierre-les-Nonnains de Lyon la celle Saint-Maximin située dans le duché de Maurienne.

l.1 [chrisme] IN NOMINE OMNIPOTENTIS DEI ET SALVATORIS NOSTRI JHESU CHRISTI, HLOTHARIUS, DIVINA PRAEVENIENTE CLEMENTIA REX. SI LOCIS DEO DICATIS OB REVERENTIAM DIVINI RESPECTUS QUIPPIAM MUNERIS LARGIMUR, ID NIMIRUM NOBIS AD PERPETUAM VITAM
l.2 nanciscendam adfuturum fore non ambigimus. Igitur comperiat omnium fidelium sanctae Dei ecclesiae nostrorumque praesentium scilicet et futurorum universitas, quia, dum ad monasterium, quod est in veneratione beati Petri principis apostolorum inter Ararim
l.3 et Rodanum situm in burgo Lugdunensi, orationis causa devenissemus, dignum duximus ob amorem Dei et emolumentum animae genitoris nostri ac genetricis necnon et dilecti fratris nostri Hludovici imperatoris, fratris etiam nostri Karoli quondam piissimi regis, cujus ibidem corpus sepulturae
l.4 traditum est, seu ut delictis nostris superna misericordia facilius ignoscat, aliquantula rerum nostrarum largitate eundem coenobium ditaremus. Quocirca hos excellentiae nostrae decrevimus fieri apices, per quos eidem monasterio Sancti Petri seu ecclesiae Sanctae Mariae res quasdam
l.5 nostrae proprietatis in comitatu Mauriensi conjacentibus tribuimus, cellam videlicet Sancti Maximini cum edificiis suprapositis, ad quam pertinere noscuntur inter ingenuiles et serviles mansi triginta quinque cum omnibus rebus et mancipiis illuc juste et legaliter
l.6 pertinentibus, quatinus deinceps ad remunerationem praefatorum piissimorum principum atque salvationem amantissimae conjugis nostrae Vualdradae et filii nostri Ugonis ad luminaria inibi concinanda seu stipendia famularum jugiter ibi Deo famulantium
l.7 supplenda perpetuis temporibus perseverent. Et nullus successorum nostrorum vel pontifex ejusdem loci in alios usus eandem cellam cum rebus et mancipiis ibidem pertinentibus transferre praesumat, nisi, ut praediximus, ad quoti-
l.8-diana stipendia vel luminaria praeparanda. Et ut haec nostrae largitionis atque roborationis auctoritas inviolabilem optineat firmitatem, manu propria subter firmavimus et anuli nostri impressione jussimus insigniri.
l.9 SIGNUM [monogramme] HLOTHARII GLORIOSI REGIS.
l.10 [chrisme] ERCAMBALDUS REGIAE DIGNITATIS ARCHICANCELLARIUS RECOGNOVI ET [ruche_notes_tironiennes] [sceau].
l.11 Data XV kalendas junii, anno Christo propitio regni domni Hlotharii gloriosi regis octavo, indictione XII. Actum civitate Lugduni. In Dei nomine, feliciter. Amen.

1