Pierre de l'Isle obtient du monastère des dames de Notre-Dame de Beaumont une vigne.

l.1 Utile est scribi, quod non convenit oblivisci. Notum sit igitur omnibus tam presentibus quam futuris quod Petrus de Insula quesivit a domina abbatissa
l.2 Agnete et conventu sanctȩ Mariȩ Belli Montis quandam vineam quam habebant ad Ulmum Roberti quȩ aliquantulum deserta erat. Et quia
l.3 ipse utilis erat monasterio, omnibusque sanctȩ Mariȩ sanctimonialibus carus, propter beneficia que illis faciebat, dedit illi abbatissa cum assensu dominarum predictam
l.4 vineam solidam et quittam, ita ut omnia quecumque facere vellet de ea faceret, scilicet vendere, vel quibuscumque vellet hereditario jure dimittere,
l.5 excepto quod quartam partem vini singulis annis habebunt dominȩ. Ipse et heredes ejus nec censum alium nec decimam reddent, sed si eam alteri ȩcclesiȩ
l.6 aut vendere, aut pro redemptione animȩ suȩ dare voluerit non licebit, nisi supradictȩ ȩcclesiȩ Belli Montis. Si autem ipse aut heredes ejus vineam
l.7 facere neglexerint, ammonitique non emendaverint vineȩ illius factairam, accipient eam dominȩ ut suam. Facta est convenientia hȩc in capitulo sanctȩ
l.8 Mariȩ Belli Montis, concedente abbatissa Agnete. Audientibus et videntibus his: Aenorde de sancta Maura, Thecla, Laurentia, Ada judea,
l.9 Hermengardi et omni conventu dominarum. Huic pactioni interfuerunt hii scilicet: Letardus prepositus, Gunbertus, Adelelmus de Bello Monte, Giraudus
l.10 de Veteri Molendino, Raginaudus de Launci. Et ex parte Petri: Raginaudus de Bello Monte, Johannes Felperius, Gaufridus Bretellus,
l.11 Hugo Belvacensis, Raginaudus Pictavensis, Gauterius Allerius, Augerius pissonarius, David clauserius.
l.12 Hoc aetiam volumus ut sciatis quia hoc eodem pacto quo Petrus tenet hanc vineam, Raginaudus de Bello Monte tenet suam. CIROGRAPHUM.