Corbo, chevalier, remet à l'abbaye Saint-Julien de Tours divers droits qu'il percevait à Meré et Saunay, et donne un manse appelé Gaudiacus.

l.1 [chrisme] Notitia rei gestȩ qualiter anno incarnationis dominicȩ DCCCCLXXXIIII venit quidam
l.2 miles, nomine Corbo, in monasterium Sancti Juliani, et propria ductus voluntate, pro amore
l.3 omnipotentis Dei et pro redemptione animȩ patris sui et matris suȩ ceterorumque fidelium
l.4 suorum, et precipue Milesendis dilectȩ uxoris suȩ, quosdam redditus quos vel juste vel injuste
l.5 ex potestate sancti Juliani exigebat, remisit et indulsit eidem sancto Juliano et servientibus
l.6 sibi monachis, ita ut ab hodierno die et deincebs, ex villa Mairiaco, vel ex potestate de Sulnaco,
l.7 nullum servitutis obsequium, aut ipse aut aliquis sibi subjectus exigat vel requirat. Quod si vero
l.8 in diebus ejus aut post eum extiterit aliquis qui eundem beneficium promeruerit et hanc remissionis
l.9 obsequii vel donationis notitiam quolibet modo infringere temptaverit, in primis iram omnipotentis
l.10 Dei et sancti Juliani omniumque sanctorum offensam incurrat, suaque repetitio nullum effectum obtineat, sed in
l.11 [perpetuum] haec notitia manibus virorum bonorum corroborata, firma et stabilis omni tempore vigeat et permaneat.
l.12 [Simili m]odo pro amore Dei promisit et concessit jamdictus Corbo, ut suprascripti monachi Sancti Juliani mansi-
l.13-le suum vocabulo Gaudiacum, quod est juxta silvam ipsius Corbonis, excolerent et cultores habundanter
l.14 illuc introducerent, nemine eis contradicente vel resistente. Si vero exinde aliquis eis contrarius
l.15 extiterit, contrarius sibi Deus omnesque sancti ejus existant, nisi cito resipuerit et ad emendationem pervenerit.
l.16 Et ut hȩc omnia firmitate et stabilitate obtineant, manu propria ea firmavimus, manibusque
l.17 fidelium nostrorum affirmari rogavimus.
l.18 [croix] Signum Corbonis qui hanc notitiam fieri jussit, et ipse manu propria eam firmavit.

1