Gautier, chevalier de Tours, lors de son retour du pélerinage de Jérusalem, cède à Saint-Julien de Tours l'abbaye de Saint-Loup et ses dépendances et est reçu dans l'association de prières de Saint-Julien.

l.1 [chrisme] [Amen]. Noticia rei gestae qualiter anno incarnationis dominicae MXXIIII
l.2 regressus Walterius miles Turonensis a sanctis Hierosolimorum locis,
l.3 ubi salvator noster nasci temporaliter, pati, mori, et resurgere
l.4 dignatus est, pro ipsius amore cujus sanctissimum invisere meruit
l.5 sepulchrum, pariterque redemptione animarum, suae scilicet
l.6 ac genitoris genitricisque necnon dilecti filii sui Wanilonis sancti
l.7 Mauritii thesaurarii atque prepositi et uxoris suae Ersendis
l.8 nomine, simulque aliorum suorum filiorum, Raherii videlicet et Walterii
l.9 ad coenobium gloriosae virginis Mariae et beati martyris JULIANI,
l.10 in suburbio Turonicae urbis situm, condonavit perpetualiter ad habendum
l.11 abbatia sancti Lupi cum omnibus quae ad eam pertinent, scilicet cum terris cultis
l.12 et incultis, domorum aediffitiis, vineis, pratis, pascuis, silvis, aquis,
l.13 aquarumve decursibus, mobilibus et inmobilibus, perviis et exitibus, quȩsitis
l.14 et inquirendis, cunctisque omnino utilitatibus. Econtra in compensatione
l.15 tanti benefitii abbas GAUZBERTUS, cum omni congregatione sibi commissa,
l.16 concessit predicto Walterio et uxori ejus ac filiis, quatinus in omnibus bonis
l.17 ad salutem animae pertinentibus que in prefato beati martyris JULIANI loco
l.18 fierent, partem et sotietatem perhenniter haberent. Et hoc eis donum
l.19 spetialiter contulit, ut expletis singillatim omnibus horis canonicis,
l.20 unus psalmus cotidie exceptis diebus festis decantetur, et semel in ebdomada
l.21 generaliter una missa, pariterque a singulis quibus sacerdotibus iterum una
l.22 missa in ebdomada, pro redemptione animarum ipsorum perpetuo celebretur,
l.23 et unus pauper diebus singulis refitiatur, et per omnes annos ad paschalem sollempni-
l.24-tatem congruis vestibus induatur, et post obitum eorum uniuscujusque dies
l.25 anniversaria pleniter recolatur.