Gautier, chevalier de Tours, lors de son retour du pélerinage de Jérusalem, cède à Saint-Julien de Tours l'abbaye de Saint-Loup et ses dépendances et est reçu dans l'association de prières de Saint-Julien.

l.1 [chrisme] [Amen] Noticia rei gestae qualiter, anno incarnationis Dominicae MXXIIII,
l.2 regressus Walterius, miles Turonensis, a sanctis Hierosolimorum locis,
l.3 ubi salvator noster nasci temporaliter, pati, mori et resurgere
l.4 dignatus est, pro ipsius amore cujus sanctissimum invisere meruit
l.5 sepulchrum, pariterque redemptione animarum suae scilicet,
l.6 ac genitoris genitricisque, necnon dilecti filii sui, Wanilonis,
l.7 sancti Mauritii thesaurarii atque prepositi, et uxoris suae, Ersendis
l.8 nomine, simulque aliorum suorum filiorum, Raherii videlicet et Walterii,
l.9 ad coenobium gloriosae virginis MARIAE et beati martyris
l.10 JULIANI, in suburbio Turonicae urbis situm, condonavit perpetualiter
l.11 ad habendum abbatiam sancti Lupi, cum omnibus quȩ ad eam pertinent, scilicet cum terris
l.12 cultis et incultis, domorum aediffitiis, vineis, pratis, pascuis, silvis, aquis,
l.13 aquarumve decursibus, mobilibus et inmobilibus, perviis et exitibus, quesitis et in-
l.14-quirendis, cunctisque omnino utilitatibus. Econtra, in compensatione
l.15 tanti benefitii, abbas GAUZBERTUS, cum omni congregatione sibi commissa,
l.16 concessit predicto Walterio et uxori ejus ac filiis, quatinus in omnibus bonis
l.17 ad salutem animae pertinentibus quȩ in prefato beati martyris JULIANI loco
l.18 fierent partem et sotietatem perhenniter haberent. Et hoc eis donum
l.19 spetialiter contulit, ut expletis singillatim omnibus horis canonicis, unus
l.20 psalmus cotidie, exceptis diebus festis, decantetur, et semel in ebdomada
l.21 generaliter una missa; pariterque a singulis quibusque sacerdotibus iterum
l.22 una missa, in ebdomada, pro redemptione animarum ipsorum perpetuo celebretur,
l.23 et unus pauper, diebus singulis, refitiatur et per omnes annos ad paschalem
l.24 sollempnitatem congruis vestibus induatur; et post obitum eorum uniuscujusque
l.25 dies anniversaria pleniter recolatur.