Geoffroi (le Barbu), comte d'Anjou et de Touraine, a fait don à Marmoutier du collibert Jean, pêcheur, avec son épouse et sa descendance.

l.1 Nosse debebitis si qui eritis posteri nostri, Majoris scilicet hujus habitatores
l.2 monasterii sancti Martini, Gausfredum comitem, Fulconis Andecavensis quondam
l.3 comitis ex filia et Gausfredi filii ejus ex sorore nepotem, cum post eundem Gausfre-
l.4-dum Andecavensem ac Turonensem obtineret pariter comitatum donasse sancto Martino
l.5 et nobis sub regimine nunc agentibus domni abbatis Alberti, anno ab incarnatione
l.6 Domini millesimo LXI colibertum quendam nomine Johannem, arte piscatorem, apud
l.7 Fontem Carum commanentem, cum uxore scilicet ipsius et filiis ac filiorum filiis, quota-
l.8-cunque deinceps generationum successione futuris, testibus istis:
l.9 Gausfredo de Pruiliaco thesaurario sancti Martini, Rotberto Burgundione, Lisoio
l.10 de Calvomonte, Gauslino de Cainone, Johanne de Cainone, Alberto preposito.
l.11 Post hȩc compertum est uxorem illam Johannis, colibertam esse, Ermentrudis cujusdam, uxo-
l.12-ris quondam Rainaldi de Rupibus. Egimus ergo cum ista et cum ejus filio nomine item
l.13 Rainaldo, atque ab ambobus obtinuimus, ut feminam illam nomine Ansbergam cum toto
l.14 in perpetuum fructu illius sancto Martino nobisque donarent, testibus itidem istis:
l.15 de hominibus ipsius Rainaldi, filii Ermentrudis, Frotgerio de Ambaziaco, Ingelrico
l.16 de Monte Trichardi, Girardo de Berniciaco.
l.17 SIGNUM GAUSFREDI COMITIS [croix].
l.18 De hominibus Rodulfi vicecomitis Cenomannensis,
l.19 nam et hii presentes aderant, Guarino Francisco,
l.20 Guarino vicario, Tetbaldo Rege, Rotberto Francisco,
l.21 Girardo homine vicecomitis, Giraldo Nanante.
l.22 De hominibus sancti Martini, Rainaldo Turonensi et coquo,
l.23 Gausfredo carpentario, Fulberto campione, Durando coquo, [colonne1] Nihardo coquo, Ursione, Otgerio de elemosina, Vuidone filio Aremberti carpentarii.

1