Gérard, légat pontifical et évêque d'Angoulème, préside au réglement d'un litige entre les moines de Marmoutier et les chanoines de Chemillé.

l.1 Ego Girardus Dei gratia Engolismensis episcopus, Romanȩ ecclesiȩ legatus, aliique fratres qui nobiscum erant Andegavis, apud
l.2 monasterium Sancti Albini, in cella novitiorum ejusdem monasterii, ad quandam causam ventilandam et discutien-
l.3-dam quȩ erat inter abbatem Sancti Martini Majoris Monasterii et canonicos de Camiliaco de capella
l.4 predicti castri convenimus. Utrique enim et monachi, et canonici presentes affuerunt, utrique causas suas or-
l.5-dine exegerunt. Auditis utrorumque rationibus de juditio tractare cepimus. Et quia non omnes unanimiter
l.6 consensimus, dilatum est juditium ad concilium usque Losduni ad presens futurum. Pactoque ex more conci-
l.7-lio venerabiles fratres et coepiscopos qui interfuerant concilio in unum convocavimus. Et cum eis diligenter de
l.8 juditio prelibate cause tractavimus. Quod ita pari consensu diffinitum, atque sancitum est, ut capella Sancti Ste-
l.9-phani parrochiali ecclesiȩ, quȩ in honore beati Petri apostoli fundata est inhereat, et sicut filia matri unia-
l.10-tur, et sicut monachi matrem, et filiam possideant. Hujus autem diffinitionis nobiscum judices fuerunt Ernaldus ar-
l.11-chiepiscopus Burdegalensis, Petrus Xantonensis episcopus, Marbodus Redonensis, Petrus Pictavensis, Hildebertus Cenoman-
l.12-nensis. Celebrato autem sollempniter juditio, venerabili fratri nostro, abbati videlicet Willelmo Majoris Monasterii
l.13 et monasterio ejus suam capellam reddidimus. Ut autem diffinitio ista firmior permaneret, sigillo nostro sigilla-
l.14-ri precepimus, et manu nostra subscripsimus. Acta est autem diffinitio ista in ȩcclesia beatȩ Marie Losduni in
l.15 qua sinodus consederat, anno ab incarnatione Domini millesimo centesimo nono, tercia indictione,
l.16 Paschali II Romanam ȩcclesiam regente, regnum Francorum Lodovico rege tenente, Andegavensium plebi-
l.17-bus Fulcone juniore presidente.
l.18 Ego Gerardus Engolismensis episcopus et sancte Romane eclesiȩ legatus [signum].
l.19 [sceau].

1