Foulques donne aux moines de Marmoutier la terre de Tireveau, promet avec son neveu Pierre de ne rien réclamer, et un autre neveu, qui pourra devenir moine s'il le veut ne pourra rien réclamer.

l.1 Notum sit presentibus et futuris, quod anno dominicȩ incarnationis MCVIII, agentibus
l.2 nobis Majoris Monasterii sancti Martini monachis sub domno abbate Willelmo anno IIIIto
l.3 pridie ante festivitatem beati Thomȩ apostoli, in quo ipso die sepelivimus Haduisam matrem
l.4 Fulconis Arribati, dedit nobis idem Fulco in sepultura ejus, obtinendam perpetualiter
l.5 terram de Tirat Vetulam, quȩ est prope pontem, inter alias terras nostras, quȩ videlicet
l.6 terra fuerat propria et dominica matris suȩ, quam sepelivimus ipso die sicut jamdictum est
l.7 et affiduciavit nobis per fidem suam, ipse et Petrus nepos ejus, quod si nobis calumnia insur-
l.8-geret in eandem terram, ipse nobis eam adquietaret. Aut si adquietare non posset,
l.9 daret nobis pro illa, de alia terra sua quȩ similiter esset in censivo nostro sicut et illa erat,
l.10 quantum inter nos concordiaretur. Habebat autem quendam nepotem suum quem Brunetum
l.11 appellabant, filium Gaufredi Arribati fratris sui qui jam obierat, de quo Bruneto habuimus
l.12 ei in convenientiam, quod eum monachum faceremus ab illa die usque ad quinque annos, si
l.13 ipse puer ex propria voluntate illud requireret. Sin autem, non propterea perderemus terram
l.14 illam. Hoc viderunt et audierunt de monachis nostris: Willelmus prior, Hainricus hospitalarius, et Radul-
l.15-fus monachus frater ejus, et laici, quorum nomina paulo inferius subscripta sunt. Misit ergo
l.16 idem Fulco propria manu sua donum hujus rei super majus altare monasterii nostri. Testes
l.17 harum rerum sunt: Petrus nepos ejus, Michael serviens ejus, Vitalis porcarius, Ysembardus
l.18 molendinarius. Ex nostra parte: Ulricus presbiter, Rainaldus de Burgo, Sancelinus, et
l.19 Arnulfus cellararii nostri, Bernardus Testarz, Landricus de Turre, Rotbertus de Francavilla,
l.20 Martinus filius Guinebaldi, Herveolus Cochionus, Willelmus Archaz, Petrus filius Algerii.

1