Gautier Ildemar, Ameline et Roa, ses filles, abandonnent toute réclamation sur la terre de Martiniacum appartenant auxmoines de Marmoutier et ont reçu pour cela deux bœufs et deux tuniques et le bénéfice de la société de prières.

l.1 Notum sit omnibus quod Galterius Ildemarus et Amelina et Rostha filiȩ ipsius venerunt in capitulum nostrum anno dedicationis basilicȩ
l.2 nostri Majoris Monasterii ab Urbano papa factȩ, infra octabas Nativitatis dominicȩ, die scilicet festivitatis Innocentium, et ibi coram
l.3 universis fratribus capituli dimiserunt omnem calumniam quam eatenus p[....] fecerant de terra nostra Martiniaci, et unde nobis multa damna intu-
l.4-lerat idem Gualterius, et ipsam nobis terram in perpetuum solutam et qui terram concesserunt et auctorizaverunt. De qua dimissione calumniȩ et terrȩ pre-
l.5-dictȩ concessione donum posuerunt in manu domni Gisleberti prioris claustri per quendam parvum baculum corili, et deinde ipsum portaverunt et obtulerunt
l.6 super altare dominicum. Quod viderunt et audierunt testes subnotati. Nos autem dedimus ipsi Gualterio duos boves, et unicuique duarum predictarum filia-
l.7-rum ejus tunicam solidorum quinque id est duas tunicas, precii solidorum decem. Sed quia beneficii societatis nostrȩ particeps esse desiderabat,
l.8 et propter hoc petendum secum adduxerat etiam uxorem suam prefatarum filiarum ejus novercam Agnem nomine, et nondum ipsum beneficium
l.9 a nobis petierat et acceperat, summonitus ab uxore sua, rediit in capitulum, et petiit humiliter, atque accepit, ipse scilicet, filiȩ ejus, uxorque
l.10 ejus nostre societatis beneficium. Quod viderunt et audierunt testes inferius descripti. Unde continuo exierunt et in locutorium commune
l.11 devenerunt, ubi presente domno Hilgodo tunc temporis Capellȩ preposito, et domnum Gingoniaro eo tempore monasterii nostri notario
l.12 affiduciavit per fidem suam pro se et filiabus suis, posita manu sua et manu Sancelmi famuli cellararii, quod si ab illa die ulla ca-
l.13-lumnia nobis inferretur de memorata terra Martiniaci, ipse eam nobis adquietaret, nec omino quereret aut sineret in quantum
l.14 prohibere et avertere posset, ut deinceps inde nobis ulla calumnia fieret. Sed et quando predictas filias suas maritaret,
l.15 viros earum hanc presentem concordiam nominatim concedere faceret, atque ex nomine calumniam illam antiquam quam in presenti ipse et
l.16 filiȩ ejus Amelina et Rostha dimiserant, maritos earum omnino iterare et recapitulare interdiceret, sed et a maritagio earum ipsam
l.17 spetialiter terram omnino exciperet, et nichil inde viris earum concederet. Cujus tocius rei testes sunt hii: ex parte Galterii et filiarum
l.18 ejus: Harduinus filius Bernardi [...] et Agnes noverca filiarum ejus, eademque uxor sua; ex nostra vero parte isti: Sancelinus cellararius, Hubertus cellararius. [colonne1] Ingelbertus de Carroso. Arnulfus cellararius. Durandus de Sartrino. Normandus burgaldus. [colonne2] Algerius Cothonus. Guido major. Hilduinus de Castro Novo. Stabulus Dublellus. [colonne3] Haimo Matho. Rotbertus Tortus Capellus. Mainardus pistor. Gauffredus Abietus. [colonne4] Herveus de Monediaco.
l.19 Sciendum preterea quod eodem die in eodem capitulo, hisdem testibus audientibus et videntibus concesserunt et auctorizaverunt, et unacum
l.20 dimissione suprascriptȩ calumniȩ per eundem baculum corili, per quem ipsam calumniȩ dimissionem fecerant, donum sive concessionem fecerunt prefatus
l.21 Galterius Ildemari et filiȩ ejus supradictȩ, id est Amelina et Rostha de septem arpennis terrȩ ad Barram Malliaci sitis, quos vendi-
l.22-derat idem Galterius domno Fulconi Rufo preposito Malliaci fratri nostro XXXV solidis denariorum et duodecim denariis unicuique
l.23 filiȩ datis, id est inter ipsas duas duobus solidis. Anno Domini MoXCVo papa Urbanus.

1