Guillaume, comte des Normands, donne à l'abbaye de Marmoutier dix manses de la terre de Luot.

l.1 Omnibus hoc notum fieri volumus qui futuris id sunt audituri temporibus quod ego Guillelmus gratia Dei Normannorum comes, pro
l.2 remedio anime meae parentumque meorum patris maxime et matris meȩ, necnon etiam uxoris meȩ heredumque meorum, concedo
l.3 jure perpetuo Deo et sancto Martino, monachis scilicet qui apud Majus Monasterium sub Alberto abbate Deo deserviunt, terram
l.4 quandam in loco qui dicitur Luotus sitam, ita quietam et liberam et ab omni extraneorum calumnia pacatam, sicut eam
l.5 teneo a patre meo et avis et proavis michi relictam. Habentur autem X mansure in illa terra, quae his est limitibus terminata.
l.6 Ex una parte est callis tritus qui ducit ab Abrincas civitate in Normanniam interiorem, ex altera quidam rivus quem etiam
l.7 ad molendinum faciendum eis concedo. Caetera omnis terra de Luoto mea est, et de parte qua dixi, decem mansuras illis tribui,
l.8 videlicet monachis qui in monasterio supradicto Dei servitio militaturi sunt, sub presentia testium quorum inferius subscrip-
l.9-ta sunt nomina. Quicumque vero elemosinam hanc vel meis vel heredum meorum temporibus subtrahere sancto Martino voluerit,
l.10 et ipse excommunicetur, et nullum habeat ejus conatus effectum, ut dum stabilis fuerit elemosina mea, perpetua
l.11 etiam fiat in monasterio illo memoria mea. [colonne1] S. Willelmi comitis. S. Nielli vicecomitis. S. Mainonis de Filgeriis. S. Richardi filii Torestini. S. Rogerii de Montegomerici. S. Radulfi Toxonis. S. Giraldi siniscalchi. S. Rotberti filii Gerogii. S. Hugonis Brittonis. S. Tetbaldi filii Bernerii. [colonne2] [croix].

1