Geoffroi Beslier voulant se faire moine à Nouaillé, où ses deux fils Étienne et Geoffroi étaient religieux, donne à ce monastère sa terre du Châtelier, à Colombiers.

l.1 Mos est antiquus a nobilibus nostris predecessoribus custoditus, ut quicuNque pro sua vel suorum amicorum salute de propriis et justis
l.2 facultatibus in aecclesiis sanctorum Deo servientibus dederint, cum testibus idoneis inscribere faciant membranulis, ne diuturna temporum
l.3 revolutione obliviscantur, vel pravorum succedentium hȩredum suorum iniqua aviditate hȩlemosinȩ suȩ calumpnientur.
l.4 Quapropter et ego Gaufredus Aries, hoc scripto omnibus matris ȩcclesiȩ sanctȩ fidelibus tam futuris quam presentibus innotesco, quod volens
l.5 esse monacus in cȩnobio beatissimi JUNIANI, abbatis et confessoris Christi, apud Nobiliacum, dono Deo et sanctȩ Mariȩ sanctoque JUNIANO
l.6 terram meam de Castellario apud Columbarium, concedentibus Attelino Grenulla et Ademaro de Cursiaco cum uxore sua, Aime-
l.7-rici aetiam vicecomitis rogatu concessu et jussu. Pro concessione vero hujus fisci quem de ipso Ademaro habebam, dedi ei XXX solidos
l.8 Pictavienses et Xcem uxori suȩ. Ademarus vero pro animȩ suȩ vel parentum suorum remedio et ut beneficium prefatȩ ei concederetur
l.9 aecclesiȩ, quod et factum est, assensit libentissimȩ. Factum est hoc in aula vicecomitis Castelli Airaldi videntibus his idoneis
l.10 testibus, Stephano et Gaufredo ejusdem ȩcclesiȩ jam monachis, filiis scilicet meis, necnon Ugone Peloquino milite filio meo annuente,
l.11 et Normanno Ariete nepote meo et milite, aliisque quampluribus in eadem aula tunc consistentibus.