Guillaume de Curzay cède à Raoul, abbé de Nouaillé, une terre près du bois de Bourneau, qui ne faisait pas de profit.

l.1 Quia transeunte mundo mundana aeciam omnia transient,
l.2 [proinde] precedencium auctoritate patrum sanccitum est; ut quaecumque
l.3 [apud] homines digna fierent memoria diuturna, relacione necessaria
l.4 [scripto] signarentur, ne longeva oblivione perderentur. Quapropter
l.5 [morem] antiquum sequentes, scripto memoriȩ tradimus, sacrȩ religionis
l.6 [cultoribus], videlicet ecclesiae Nobiliacensis filiis spiritualibus tam futuris quam
l.7 [presentibus], quod quidam nobilissimus miles Willelmus de Cursiaco quandam
l.8 terram sancti JUNIANI sitam prope silvam de Bornea, ab abbate et monachis
l.9 fiscaliter habebat, et alius miles suus, Tetbaudus N., de illo similiter
l.10 tenebat. Videns vero predictus Willelmus quod nil inde proficui haberet,
l.11 videns atque domnus abbas Radulfus quod juxta monasterium Nobiliacum
l.12 esset, ipsum Willelmum multociens multis precibus convenit, ut ipsam terram
l.13 sancto Juniano et monachis liberam pro redempcione animȩ suȩ relinqueret,
l.14 quod libentissime fecit, et uxorem suam et filios concedere fecit; et eciam ipse
l.15 qui ab eo tenebat, Willelmus scilicet, filius Tetbaudi, dedit et concessit, et
l.16 insuper fide sua pollicitus est ut si aliquis in predicta terra aliquid quereret
l.17 protector fidelis esset. S. Radulfi, abbatis cui hoc donum factum est.
l.18 S. Arvei prioris. S. Aiquini monachi. S. Calonis Lonbardi. S. Petri Rufini. S. Willelmi de Ruieth. S. Vassaloth.