Guillaume Aimeric de Château-Larcher renonce en faveur de l'abbaye de Nouaillé à une mauvaise coutume qu'il revendiquait dans la forêt du Pinier.

l.1 Quia humana fragilitas fere omnis prona est ad malum, et raro invenitur
l.2 intelligens ac requirens Deum, ideo se quisque fidelis cogere debet, ut per viciorum densam
l.3 silvam, et per infinitum pelagus enormitatum ad verum litus ubi Christus fideles
l.4 provocat quamcicius potest, erumpere festinet. Igitur ego Aimericus de RANCONE
l.5 pro redempcione animȩ meȩ, et pro salute animarum patris matrisque meae et aliorum
l.6 parentum meorum, unacum consensu et volontate uxoris meȩ, consencientibus
l.7 et laudantibus baronibus meis, dono et concedo illam consuetudinem quam
l.8 habere videbar juste vel injuste quȩ sazinia appellatur, in silva de Pineec,
l.9 Deo et sanctae Mariae sanctoque JUNIANO de Nobiliaco cenobio, et abbati Radulfo, et omnibus
l.10 ejusdem monasterii monachis tam presentibus quam futuris, ut habeant et sine
l.11 omni parentum meorum calumpnia quiete possideant. Si quis vero ausu
l.12 temerario in hac nostra sollempni donacione quicquam inquietare voluerit,
l.13 omnium bonorum meorum expers eum inimicis justiciȩ nisi satisfactione emendaverit,
l.14 sine fine dispereat. Porro ab abbate Nobiliacensi et a ceteris ejusdem loci monachis
l.15 hoc impetratum retineo, ut per singulos annos in festivitate sancti Egidii, vel alia
l.16 congrua die anniversarium faciant pro animabus patris matrisque meȩ. Et ut
l.17 ista carta firma maneat, manu propria ego et uxor mea haec signa fecimus.
l.18 [croix] S. Aimerici. [croix] S. uxoris sue. S. Ugonis de Cella. S. Guitardi. S. Petri
l.19 Geraldi. S. Ricardi Forsbandi. S. Bertrandi de Turre. S. Seguinosi.
l.20 S. Rainaldi de Mastat. S. Geraldi Feracea. S. Petri Guidurant. S. Petri de Capella.