À l'occasion de la sépulture de Guillaume Correle, sa mère Marie donne la terre du Rivau et ce qu'elle possédait dans la maison des Arnaud.

l.1 Dum quisque mortalium fragili carcere carnis truditur, et luce hujus
l.2 seculi fugitiva utitur, necesse est ut quaeque digna laude et memoria facta
l.3 fuerint membranis scribantur; et ut predecessores nostri docuerunt, memoriter
l.4 lege paterna sancciantur ne longeva oblivione omittantur, et alicujus fraudis
l.5 machinacione destruantur. Quam ob causam notificare volumus, Nobiliacen-
l.6-sis, ecclesie filiis spiritualibus, immo christiane religionis cultoribus, quod quidam Willelmus N. Correle,
l.7 labili misterio miliciȩ deditus, ab hoc seculo discessit morte preventus, et ad ecclesiam
l.8 Nobiliacensem consilio et precatu amicorum et parentum allatus, ibique cum digna
l.9 reverencia quia vir erat nobilis sepultus est. Quod cernentes amici et parentes, dederunt
l.10 Deo et sanctȩ Mariȩ et beato Juniano terram de Rivis cum sibi pertinentibus et omnia quae
l.11 habebat in domo Arneldensium. Hoc donum fecit ejus Maria, cum concessu et
l.12 volumtate Bernardi de Mortuo Mare et fratris sui Engelelmi, videntibus et concedentibus
l.13 subscriptis testibus: S. Bernardi. S. Engelelmi. S. Rainaldi, vero in cujus manu hoc
l.14 donum factum est. S. Willelmi monachi. S. Stephani archipresbiteri. S. Audeberti. S. Marie matris ejus.
l.15 S. Petri de Flaec. S. Be[rtonis]. S. Josberti de Cloa.
l.16 [croix] [croix] [croix].