Charles le Chauve, roi des Francs, ratifie un échange conclu avec le comte Girard qui lui cède divers biens situés dans le pays de Changy contre d'autres biens situés dans le Perthois et le Barrois.

l.1 [chrisme] [Amen, amen, amen] IN NOMINE SANCTAE ET INDIVIDUAE TRINITATIS, KAROLUS, GRATIA DEI REX. CUM FIDELITER NOBIS FAMULANTIUM UTILITATIBUS FAVEMUS, ERGA OBSEQUIUM NOSTRUM PROMTIORES ILLOS REDDIMUS. NOTUM SIT ITAQUE OMNIBUS SANCTAE DEI ECLESIAE FIDELIBUS ET NOSTRIS, PRESENTIBUS SCILICET
l.2 atque futuris, quia, pro ambarum parcium congruentia, convenit inter nos et fidelem nostrum Gerardum, comitem, res quasdam proprietatis nostrae et mancipia concambire sive commutare. Dedit itaque nobis jamdictus fidelis noster de rebus suis a domino et glorioso patre nostro Hludovuico,
l.3 glorioso imperatore, sibi concessis jure perpetuo ad habendum in pago Camiacense, in villa quae dicitur Padriniacus, mansum indominicatum et alios mansos, cum reliquis edificiis supra constructis, cum olcis, campis, pratis, silvis et cum molendino, sive cum omnibus quae in ipsa villa habere visus est,
l.4 mancipia quoque supra commanentia XXX, quorum haec sunt nomina: Heldebertus, Daibaldus, Hamaldus, Alfio, Angelricus, Odelboltdus, Vuiboltdus, Hildoardus, Ilgerius, Gondoinus, Jerosmus, Herlehaida, Albrada, Helprada, Nifeldis, Teutseinda, Hevronia, Ricsenna, Girhildis, Benedruda,
l.5 Drothedus, Nortoldus, Helpramnus, Teodricus, Vuiboldus, Electa, Hansberga, Heldoaida, Diesia cum tribus infantibus et reliquis. Econtra [nos], pro hujus meriti recompensatione, dedimus jamdicto fideli nostro Gerardo res nostrae proprietatis sitas in pago Pertense, in villa quae
l.6 dicitur Cosantia, manso indominicato et alios mansos cum olcis, campis, pratis, molendino, et eclesiae medietatem vel quicquid ibi visi fuimus habere, et in alio loco, in eodem pago, villa quae dicitur Villa, mansum I indominicatum, olcis, campis, pratis, et quicquid ad ipsum
l.7 mansum aspicit, et in alio loco, in praedicto pago, in villa quae dicitur Autherega Curte, mansum I cum olcis et campis et pratis, cum omnibus ad se pertinentibus, item in ipso pago, in villa quae dicitur Flornidus, mansum I cum olcis, campis, pratis et cum omnibus aspicientibus
l.8 ad ipsum, et in pago Barrense, in villa quae dicitur Salt, mansum I cum omnibus quae ad ipsum mansum aspitiunt, cum olcis, campis, pratis et mancipiis XXX supra commanentibus, quorum nomina haec sunt: Rancherus, Mancherus, Rainardus, [..]andelmarus, Teutaldus, Vuandruinus,
l.9 Sevicus, item Rancherus, Vuiliricus, Adalbertus, Saifaida, Attuildis, Gerildis, Hunieldis, Gerlendis, Anstigia, Adaltridis, Godramnus, Deona, Archentrudis, Heiro[..]ndus, Beroldus, Rotherus, Johannildis, Heldebrannus, item Beraldus, Harildis, Celsa, Saifaida, Cessariae cum infantibus III.
l.10 Unde et duas commutationes, pari tenore consciptas, praecepto nostrae auctoritatis libuit confirmare. Quamobrem praecipientes decernimus et decernentes confirmamus ut quicquid pars alteri rationabiliter contulit parti jure firmissimo maneat
l.11 inconcussum, sicut in jamdictis com[muta]tionibus continetur, ac utente nos, pro Dei et nostra voluntate, sicut nostrae proprietatis [aliis rebus, et] mancipiis is que a Gerardo accepimus, licet [...] et uti, pro Dei et sua voluntate, Gerardo is dedimus, sicut aliis suae proprietatis rebus
l.12 et mancipiis. Ut autem hujus nostrae auctoritatis commutatio potiorem obtineat firmitatis vigorem, de anulo nostro subter eam jussimus assignari.
l.13 SIGNUM [monogramme] GLORIOSISSIMI REGIS KAROLI. GAMMO NOTARIUS AD VICEM GAUSLENI RECOGNOVIT ET [ruche].
l.14 Data XI kalendas augusti, indictione III, anno XXX regnante Karolo gloriosissimo [rege]. Actum [Pon.....]. In Dei nomine, feliciter. AMIN.

ROSEROT (Alphonse), Diplômes carolingiens originaux des archives de la Haute-Marne, in Bulletin de la Société des Sciences historiques et naturelles de l'Yonne, 47 (1893), p. 503-539, p. 513-514, n° 5.

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 2, p. 263-265, n° 342.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 5, pl. 5 (fac-similé).