Joscelin de Lezay vend à l'abbaye de Montierneuf tout ce qu'il possède dans la châtellenie de Benet.

l.1 Anno incarnationis Domni nostri [Jhesu Christi] millesimo CVI indictione XIIII, ego Joscelinus de
l.2 Leziaco volente et concedente domino meo Guillelmo Aquitanorum duce, cum comitissa uxore ac
l.3 filio ejus Guillelmo, necnon collaudantibus et concedentibus uxore ac filio meo, dono et vendo, Deo
l.4 et sancto Johanni Evangelistȩ Novi Monasterii omnia que in villa Bennaci seu in castellania ejus habe-
l.5-bam, tam in decimis quam in vineis et terris, seu in aliis omnino consuetudinibus vel rebus, preter
l.6 casamentum duorum militum, Petri videlicet de Niorht et Helie Rufi. Proque hac venditione et
l.7 dono centum libras pictavensis monete a monachis Novi Monasterii recipio, eo tenore ut
l.8 a festivitate omnium sanctorum post IIIIor annos, liceat mihi vel filio meo hanc ipsam venditio-
l.9-nem pro centum libris pictavensis similis ponderis et valitudinis que nunc currit monete,
l.10 si voluero emere; quod si noluero, monasterium hoc semper habeat et possideat. Si vero ego aut
l.11 filius meus vel uxor mea supradicto precio non emerit, nullus alius ultra emendi licentiam
l.12 seu potestatem habeat. Dono quoque gratis pro redemptione anime mee omniumque parentum meorum,
l.13 terciam partem lanarum, ut sive emam sicut supra dixi cetera sive non, Novum Monasterium semper
l.14 illam habeat, et sine ulla inquietudine vel calumpnia mei meorumque in perpetuum teneat et possideat.
l.15 Si autem monachi Novi Monasterii, pro hac venditione seu dono, ab aliquo calumpniam inferendo aliquod
l.16 dampnum perpessi fuerint vel perdiderint; ego sicut fide promisi, omnia pacificando reddam. Ideo enim
l.17 donum quod nunc facio competit Novo Monasterio, quia quod in manu domni mei Guillelmi Pictavorum comitis
l.18 ago, jam olim in manu patris ejus felicis memorie Gaufredi promiseram et feceram. Facta est hec
l.19 venditio vel donum collaudante et concedente Hugone de Doeto domino Bennaci, in manu domni
l.20 Marci Novi Monasterii abbatis ac monachorum ejus, Duranni videlicet prioris Sancti Nicholai, Petri
l.21 Crispelli, Alonis, Arvei, Martini et aliorum monachorum atque hujus rei testes sunt milites: Bu-
l.22-chardus de Cadurciis, Gualterius Amanerius, Guillelmus de Mota, Gavazo, Guillelmus de Camera tunc
l.23 prepositus, Rotgerius capellanus, Launo pistor, et alii plures. Quicumque hoc donum seu ven-
l.24-ditionem calumpniare vel annullare temptaverit, centum auri libras componat, et quod tempta-
l.25-verit irritum fiat. Facta sunt hȩc Philippo rege Francorum, Guillelmo duce Aquitanorum,
l.26 Petro episcopo Pictavorum.