Guillaume, prieur de l'abbaye de Montierneuf, achète à Atfredus, prieur de Sainte-Radegonde de Poitiers, une terre située près de l'étang de Montierneuf, contre la somme de 200 sous et un cens de huit deniers.

l.1 [croix] Anno ab incarnatione Domini nostri Jhesu Christi millesimo CI. Indictione VIIII. Notum atque manifestum esse
l.2 volumus omnibus tam presentibus quam futuris fidelibus christianis, quod Guillelmus prior Novi Monasterii,
l.3 et ejus monachi emerunt terram quȩ juris aecclesiȩ sanctȩ Radegundis esse videbatur, a priore predictȩ
l.4 aecclesiȩ Atfredo nomine, volentibus et consentientibus atque collaudantibus cunctis ȩcclesiȩ canonicis, datis
l.5 pro ea ducentis nummorum solidis, Atfredo priori et reliquis ȩcclesiȩ canonicis. Quȩ terra sita juxta
l.6 stagnum Novi Monasterii vendita est ex integro, a Guillelmi [Fabr...?...] usque ad clausuram terrȩ sanctȩ
l.7 Mariȩ, quicquid ibi sanctȩ Radegundis aecclesia habere videbatur, pro qua Novi Monasterii monachi
l.8 in unoquoque anno de censu reddent VIII denarios in festivitate omnium sanctorum predictȩ sancte Radegundis
l.9 aecclesiȩ. Pro hac etiam conventione et dono, dederunt canonici predictis monachis medietatem totius terrȩ quȩ
l.10 inibi juste adquisituri essent. Quicumque autem hanc sine ulla calumnia vel contradictione legitimam
l.11 venditionem seu donationem factam infringere, vel calumniare temptaverit, omnipotentis Dei iram, nisi cito
l.12 resipuerit in presenti seculo incurrat, et centum auri libras componat, atque quod temptaverit irritum fiat. Hujus
l.13 rei testes sunt: Guillelmus, Novi Monasterii prior, Arnaldus subprior, Richerius prepositus, Richardus elemosinarius;
l.14 de laicis vero Mainardus cementarius, Aleelmus prepositus, Gaufredus pelletarius, Johannes de Craciaco, Guido Raimbaldi, et alii multi.
l.15 Signum Atfredi [croix] Sancte Radegundis prioris. Signum Aimerici [croix] Sancti Petri decani. Signum Andreȩ [croix] cantoris Sancte Radegundis.
l.16 Facta sunt hȩc, Petro episcopo Pictavensium sedi presidente, Philippo rege regnante, Guillelmo duce Aquitaniis principante.
l.17 Hujus doni terram quidam miles Guinemannus nomine cum suo domino Guillelmo Arnaldi calumpniatus est, que calumpnia in claustro sancte Mariae, ante Aimericum vicecomitem Castelli,
l.18 Airaldi discussa ab ipso et his qui cum illo erant irrita judicata est. Quapropter predicti milites Guillelmus et Guinemannus Deo et sancto Johanni Euvangeliste, in manu
l.19 domni Marci abbatis omnem calumpniam finierunt et reliquerunt, et si quid injuste in ea habebant totum donaverunt, ac deinceps tranquillam et sine calumpnia Novo
l.20 Monasterio dimiserunt. Hujus rei et guerpitionis testes sunt: abbas Sancte Marie, Garnerius cantor ejusdem ecclesiȩ, Arbertus, canonicus similiter ecclesiȩ Lambertus,
l.21 Aimericus vicecomes, Helia de Cauviniaco, Ademarus vigerius et alii multi qui presentes fuerunt.

1