Audebert donne à l'abbaye de Nouaillé donne une terre et Vivien, petit-fils d'Audebert, et son fils naturel Ansterus restituent un bien à ladite abbaye.

l.1 Quantum intellectus sensusque humanus potest mente sagaci atque sollerti indagacione perpendere nichil amplius valet in hujus seculi luce gaudia mansura lucrari, quam de rebus quisque
l.2 suis locis venerabilibus ob amorem et reverenciam Dei sanctorumque, omnium curet impendere, quatenus fragilitatem naturȩ quam omnis ȩtas patitur priusquam subitanea transposicio eveniat, redimat.
l.3 Quapropter ego Audebertus, cum uxore mea, in nomine Domini notifico tam presentibus quam futuris, quia ego penitus dono Deo et beatȩ Mariȩ semper virgini, sanctisque confessoribus Christi
l.4 Hylario, atque beato Juniano Nobiliacensis cȩnobii unum junctum inter terram planam et pratum, consenciente uxore mea. Quod si quis de heredibus meis repetitor extiterit,
l.5 in primis iram Dei incurrat, et C. auri libras persolvat. S. Willelmi Milleroi, et fratris sui Viviani. S. Acardi de Castane, et fratris sui Aimirici. S. Machaelis de Castane. Hanc donationem fecit Audebertus absque alicujus
l.6 calumpnia ante mortem suam longo tempore. Imminente autem fine vitȩ suȩ, alium junctum qui juncto supradicto coherebat, pro redemptione animȩ suȩ ad eundem locum contulit. Quem
l.7 calumpniati sunt diu Vivianus nepos ejus qui erat legitimus heres, et Ansterus filius ejus bastardus. Sed postea recogitantes animȩ suȩ periculum in hoc esse, convenerunt,
l.8 ambo in unam concordiam, et annuerunt Deo et sanctis ejus coram supradictis testibus quicquid ante finem suum et in finem vitȩ suȩ donaverat ȩcclesiȩ Dei antecessor eorum Audebertus,
l.9 et non solum ipsi, sed et jam filius Viviani, Guilelmus. Affuerunt etiam alii testes: Tietbaudus, et Ingobertus frater ejus, Stephanus Raheri, Boso, Aimericus, et alii plures.