Richard Forbandit donne au monastère Saint-Cyprien de Poitiers l'église d'Availle et le fief presbytéral.

l.1 Audivimus ex lectione evangelica Dominum dicentem: Facite vobis amicos de mamona iniquitatis, ut cum defeceritis recipiant vos in ȩterna tabernacula.
l.2 Quamobrem ego in Dei nomine Richardus cognomento Forbandit, pro redemptione animȩ meȩ et parentum meorum cum concessione uxoris meȩ et filiorum meorum concedo
l.3 monasterio sanctȩ Mariȩ et sancti Cypriani martyris et monachis ejusdem loci in helemosina pauperum ȩcclesiam de Avalliaco et fȩdum presbiterale, scilicet terram, vineas,
l.4 prata, et decimas quȩ ad eundem fȩdum pertinent: vinum, panem, lanam, linum et agnos, et porcos, caseos et de quibuscumque datur decima ut habeant et possideant in ȩternum
l.5 absque omni contradictione.
l.6 Si quis ergo fuerit vel extraneorum vel propinquorum qui hanc kartam infringere adtemptaverit, non prevaleat insuper cohactus exsolvat mille libras auri purissimi,
l.7 et sepe ammonitus si se non correxit, ȩterna maledictione excommunicatus a consortio Christianorum sit separatus, omnesque sancti adversarii perpetui sint illi,
l.8 effeciaturque socius inde traditoris, et pereat sicut Dathan et Habiron quos absorbuit terra vivos.
l.9 Ut autem hȩc kartula in perpetuum firma constaret manibus propriis signavimus et nobilis viris adsignandum tradidimus.
l.10 Signum Richardi et uxoris ejus Ainoris et filiorum.
l.11 Signum Arnaldi prepositi. Signum Ugonis Bernardi. Signum Ugoni Fillebaudi prepositi ipsius terrȩ. Signum Gausberti Fillebaudi. Signum Petroni de Vilas.
l.12 Signum Willelmi prepositi. Signum Rainaldi villani. Signum Arberti Leevi.
l.13 Data III nonas marcii. Regnante Philippo rege. Willelmo juveni duce. Petro episcopo Pictavis presidente.