Engelelme de Morthemer remet à l'abbaye de Nouaillé une redevance annuelle de dix sous qu'il touchait à Mazerolles, un péage qu'il avait indûment établi à Fleuré et une coutume de pacage dans les bois de Bouresse.

l.1 Cum constet omnia rerum nascentia temporum velocitate labentium devenire ad occasum prout expetit
l.2 natura testante scriptura, omne quod antiquatur et senescit prope interitum est, necessarium fore credimus
l.3 unicuique nostrum in hac vita providere quid proficiat sibi in ȩternitate. Quapropter ego Engellelmus
l.4 multorum plenus dierum, ob malefacta vitȩ meȩ nequissime emendanda, ut Deus misereri dignetur anime
l.5 meȩ peccatricis et filiorum meorum et conjugis meȩ Luciȩ condono, dimitto, Deo et beatȩ Mariȩ sanctoque Ju-
l.6-niano, X solidos de prandio quod habebam apud Maceriolas in unoquoque anno, concedentibus
l.7 filiis meis, videlicet Engelelmo, Petro, Bernardo et uxore mea Lucia. Dimitto etiam, istis conce-
l.8-dentibus, teloneum id est peagium quod injuste inmiseram apud Floriacum et consuetudinem pessimam
l.9 de bubus pascendis in nemore ceterisque animalibus quam in Bubalicia statueram. Hujus rei testes
l.10 existunt legitimi tam abates quam laici: S. Raginaldi abbatis. S. Gervasii abbatis. S. Gauffredi abbatis. S. Engelel-
l.11-mi juvenis. S. Petri. S. Bernardi. S. Engelelmi Lucionis. S. Petri Abruti. S. Uncberti de Challac.