Hugues le Bègue donne à Saint-Hilaire une terre appelée Marisius, à condition que pour une moitié de cette terre la donation ne sera effective qu'après la mort de son épouse.

l.1 In nomine sanctȩ et individuȩ Trinitatis. Ego Ugo Balbus omnibus sanctȩ matris ȩcclesiȩ
l.2 filiis tam presentibus quam futuris manifestum fieri volo, me, pro redemptione
l.3 animȩ meȩ ac parentum meorum, cujusdam dimidietatem alodi mei qui vocatur
l.4 Marisius ecclesiȩ beati Hylarii ibique canonicis servientibus tam
l.5 venturis quam modo manentibus ad presens donavisse. Item notum,
l.6 ac certum fieri volo universis universalis ȩcclesiȩ filiis ac cunctis supra-
l.7-dictȩ ȩcclesiȩ canonicis tam modo manentibus quam venturis, me alteram
l.8 partem supradicti alodi post mortem uxoris mee eidem ȩcclesiȩ eodem
l.9 modo tribuisse. Si quis autem vel parentum meorum, vel quilibet alius
l.10 contra hanc cartam calumpniando insurrexerit, iram Dei omnipotentis incur-
l.11-rat, et judice cogente centum libras auri persolvat. Hanc
l.12 autem cartam concesserunt ac propriis manibus corroboraverunt, uxor mea
l.13 nomine Ainordis ac nepotes mei Ganelinus atque Mauricius.
l.14 Testes autem hujus doni et qui hoc donum cum folio nucis receperunt
l.15 canonici beati Hylarii isti existunt [... ? ...
l.16-lelmus] magister scolarum, Rainaldus Letardi, Girardus de Clois, Johannes
l.17 de Foro, Adelelmus, Arbertus de Foro,
l.18 Constantinus Ronioti,
l.19 Girardus famulus predicti Ugonis Balbi.
l.20 Est autem hȩc carta facta et firmata Philippo rege Francorum regnan-
l.21-te, Guillelmo Aquitanorum duce existente.